Ruth 4:1 - O Debleskro Lab 2024 (Sinte-Manouche)

¹ Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.

O Debleskro Drom 2021 (Sinte)

¹ Un o Boas djas pre pash o foreskro wudar, kai i mursha khetne wenn, un beshas pes koi. Kote was ko wawar mursh, kai lake ninna koi hunte wals, kolestar o Boas rakras. Un o Boas penas ap leste: “Ab kai pash mande, un besh tut pash mande!” Un job was un beshas pes pash leste.

Ruth 4:1 Iomraidhean Croise

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

1. Mose 23:10

O Hetari Efron his mank peskre menshende beshdo. Oun yob penas ap o Abrahameste glan kolende, kay pashel his, glan hakeneste, kay an o baro voudar o forestar his:

1. Mose 34:20

Oun o Hamor oun leskro čavo Sichem djan an o baro voudar lengro forestar, te rakrenn le i morshentsa an ko foro oun penan ap lende: “Kal morsha kamenn kek čingepen mentsa. Doleske mou ačenn le an kava them, te djan le trouyel parepaske. Hi doha platsa koy. Oun mer kamah lengre čen te romedinerell. Oun mer dah len mare čen.

2. Samuel 15:2

Ninna djas o Absalom taysarlake ap o drom, oun vas pash o foreskro voudar. Oun te his yekes čingepen i vavareha oun doleske pash o baro rayeste djas, te rakrell yob o čačepen pral lende vin, palle das o Absalom les pash peste gole, oun poučas: “Dran havo foro hal tou?” Oun te penas kova: “Tiro boudepaskro hi kalla oun kolla menshendar dran Israel”,

2. Familjakro liil 18:9

Oun o baro ray pral Israel oun o Yosafat, ko baro ray pral o them Youda, his beshdo hakeno ap peskri beshepaskri, an-rido an i rayeskri plaashka, ap koy platsa glan o foreskro voudar o forestar Samaria. Oun i tsele dikepangre his tardo glan lende, oun penan, hoy vella.

Hiob 29:7

Har djom me pre an o foreskro baro voudar, oun beshom man pash i pralstunende,

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

Debleskri gili 69:12

Har rivom i gono an, te sikrap har pharo miro dji hi, kran le i sapaskri gili pral mande.

Gosewe laba 31:23

Lakro rom hi an-diklo an o foro, te rakrell lo pes tele i phourentsa.

Jesaja 55:1

Avenn pash o pani, t'mer kolen troush hi! Oun t'mer, kay t'men kek love hi, avenn oun ginenn oun rhan! Avenn oun ginenn kek loventsa oun lenn čičeske mool oun thoud!

Jeremia 32:10

Oun me činom i ginepaskro liil, oun činom les yek kopo tele. Oun ko yek liil pandom, oun čivom miro sikepen koy pre, oun lom mange morshen pashel, kay dikan halauter, oun čivom kol love ap i vaga, te vell kova lauter pal o čačepen kerdo. Oun me lom ko pandlo ginepaskro liil, oun ko liil, hoy gar pandlo hi,

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Zakarie 2:6

Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

5. Mose 17:5

palle lenn ko morshes oder koy djouvyat, oun anenn len vin glan t'maro foro, oun vitsrenn barra ap lende bis te hi le moulo.

5. Mose 21:19

palle hounte anenn o dad oun i day les pash i phourende an ko foro ap i platsa, kay venn le khetne.

5. Mose 25:7

Te kamell ko phraal koy djouvyat gar te romedinerell, palle djal li pash i phoureder morshende an o foro, oun penell ap lende: O phraal miro romestar, kay meras, kamell man gar te romedinerell, yaake te merell o lab miro romestar an i Israel gar vin.

Josua 20:4

Koon pash sau foro nashell, hounte ačell tardo glan o foreskro voudar oun anell leskro koova glan i phourende an kava foro. Oun kolla lenn les palle an o foro pash pende pre, te nay djivell lo pash lende.

Ruth 3:12

Oun touke hi čačo, te hom me yek tire menshendar, kay touke koy hounte vell. Ninna te hi yaake, djiness, te dell i vavar morsh mire menshendar, – kova vell glan mande.

Ruth 3:18

I Naomi penas ap late: “Ač khere, miri čay, bis te tou djineh, har kava vin djas. Kava morsh dell gar bouder palla, bis te kava kau dives gomme lauter kerdo hi.”