Ruth 3:7 - O Debleskro Lab 2024 (Sinte-Manouche)

⁷ Oun har o Boas rhas oun piyas oun leskro dji barhteles his, djas lo kote, kay o vi-dino djob čiddo hi, oun čivas pes koy pal tele. Oun čorrhanes vas i Ruth pash leste, oun čakras leskre pire pre, oun čivas pes pash leskre pire tele.

O Debleskro Drom 2021 (Sinte)

⁷ Un har o Boas chas un pijas un leskro dji bachteles his, djas lo kote, kai o wi-dino djob tchiddo hi, un tchiwas pes koi pal tele. Un tchorchanes was i Rut pash leste, un tchakras leskre pire pre, un tchiwas pes pash leskre pire tele.

Ruth 3:7 Iomraidhean Croise

1. Mose 43:34

O Yosef moukas leskro rhapastar peskre phralenge te anell. Oun ko rhapen, hoy moukas yob o Benyamineske te anell, his panč kope yaake boud, har o rhapen leskre vavar phralenge. Oun yon rhan oun piyan oun van barhtelo leha.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

1. Rajengro liil 21:7

Kote penas leskri romni, i Isebel, ap leste: “Bistral, te hal gar o ray pral Israel? Ste pre, rha čomone! Biste tiri rholi! Me lau kava koova an o vast, te vell tout ko kotar phoub, hoy hi o Nabotes dran Yesreel.”

Ester 1:10

Oun ap o eftato dives his o baro rayeskro dji barhteles boud molyatar. Oun yob kamas i rayenge oun i tsele menshenge peskri romyat, i rani Vasti, te sikrell, kay yaake shoukar his. Oun yob rakras kol efta pralstunentsa, kay ninna pral o djouvyengro kheer penepaske hi: o Mehouman, o Biseta, o Harbona, o Bigta, o Abagta, o Setar oun o Karkas. Lenge penas lo, te anenn le i rani, oun te hidjrell li peskro shereskro sonakay.

Debleskri gili 104:15

i mool, hoy o mensheskro dji barhteles krella, o djet, hoy leskro mouy shoukar krella, oun o maro, hoy o menshes zoreles krella.

Sikepaskro 10:19

Kones rhapen hi, nay sal. Koon mool piyell, nay givell. I loventsa nay vell tout kova halauter.

Sikepaskro 2:24

Či hi feteder o mensheske, har te rhal lo oun piyell lo oun vell barhtelo pral kova, hoy lo krell. I barhtelo dji, kova dikom, vell dran o Debleskro vast.

Sikepaskro 8:15

Doleske penau me: Men hounte vals i dji, hoy barhtelo hi. O mensheske dell či ap kay phoub, hoy feteder hi, har te rhal lo oun te piyell lo, oun te moukell lo les peske mishto te djal. Kova hi, hoy nay krah pash mari tseli boudi an maro djipen, hoy o Devel men das ap kay phoub.

Sikepaskro 9:7

Doleske rha tiro maro oun pi tiri mool i barhtelo djiyeha; kova kamell o Devel yaake toutar.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

Čačepangre 16:25

Oun har lengre djia barhteles his, penan le: “Anas mer o Simsones kay! Yob krell menge dinelo koova, te nay sanas pral leste!” Oun yon lan o Simsones dran o stilepen. Oun yob hounte kras dinelo koova, te nay san le pral leste. Oun yon čivan les kote, kay serves oun čačes lestar bare barra yek ap o vavareste pre-čidde his, te hidjrenn le o kheer.

Čačepangre 19:22

Oun har yon les penge mishto djal moukan, van morsha dran o foro oun čivan pen troul o kheer tardo, či-molde morsha. Oun kolla dan ap o voudar, oun penan ap ko phouro morsh, koleske ko kheer his: “An menge ko morshes vin, kay pash toute an o kheer vas, te kras dinelo koova leha!”

Čačepangre 19:6

Oun kol douy beshan pen oun rhan oun piyan khetne. Oun o dad koy terni djouvyatar penas ap ko morsheste: “Kre mange ko lačepen, oun ač kay pral i rat, oun mouk tiro dji barhteles te vell.”

Čačepangre 19:9

Oun palle stas ko morsh pre, te djal lo peske peskri djouvyah oun peskro boudepaskro. Oun o dad koy terni djouvyatar penas ap leste: “Dik, o kham djal tele oun i rati vella. Ač pral i rati, oun mouk tiro dji barhteles te vell. Oun taysar stenn sik pre oun djan khere!”

Ruth 3:6

Oun yoy djas tele pash koy platsa, kay denn le o djob vin oun kras lauter, hoy lakro romeskri day lake penas.

Ruth 3:8

Mashkral an i rati tapras i traash ko morshes, oun yob djangras pre, čivas pes glan oun dikas: Kote hi i djouvel pash leskre pire čiddo.