Ruth 2:8 - O Debleskro Lab 2024 (Sinte-Manouche)

⁸ Koy penas o Boas ap i Ruth: “Miri čay, shoun ap mande! Dja ap kek vavar kotar phoub, te hadess djob pre! Ač kate, oun rike tout pash i djouvyende, kay kate boudrenna.

O Debleskro Drom 2021 (Sinte)

⁸ Koi penas o Boas ap i Rut: “Miri tchai, shun ap mande! Dja ap kek wawar kotar phub, te hadess djob pre! Atch kate, un rike tut pash i djuwjende, kai kate budrenna.

Ruth 2:8 Iomraidhean Croise

2. Rajengro liil 5:13

Koy djan leskre boudepangre pash leste, rakran leha oun penan: “Maro ray, te penals ko Debleskro rakepaskro, te kress čomone, hoy pharo hi, krals tou kova gar? Kanna mangas lo toutar i tikno koova, har penas lo: Dja an ko pani oun thob tout, oun tou veh sasto. Hoske kameh kova gar te krell?”

3. Mose 19:9

Te anenn t'mer o djob dren ap t'maro them, činenn gar o djob ap i tseli kotar phoub tele. Moukenn čomone ap i rigya tardo. Djan vitar gar i douyto kopo pral ko kotar phoub, te hadenn kova pre, hoy tele peras.

Mateo 9:2

Oun yon anan i morshes pash leste. Kova nashte nashell gar oun his ap o čiben čiddo. Oun har o Yezous kolengro patsepen dikas, penas lo ap ko morsheste: “Ma traash, miro čavo! Me lau tiri doosh toutar.”

Mateo 9:22

Oun o Yezous rissras pes trouyel, dikas lat, oun penas ap late: “Romniya ma traash! Tiro patsepen kras tout sasto.” Oun ap kava tsiro vas koy djouvel sasto.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

Ruth 2:7

Oun yoy mangas, te djal li pal i činepangre, te hadell li djob pre, hoy čiddo ačas. Oun taysarlake vas li oun ačas bis kanna, oun las pes gar boud tsiro, te beshell li pes.”

Ruth 2:9

Dik, te ačess pash lende oun dja lenge palla! I morshenge, kay kate boudrenn, penom me, te taprell tout kek an. Te hi tout troush, dja pash i khore oun pi pani, hoy i boudepangre anan.”

1. Samuel 3:16

Kote das o Eli les gole oun penas: “Samuel, miro čavo!” Oun yob penas: “Ake hom!”

1. Samuel 3:6

Kote das les o baro Devel gomme yek kopo gole: “Samuel!” Oun o Samuel stas pre oun djas pash o Eli oun penas: “Ake hom, tou dal man gole.” Oun o Eli penas: “Me dom tout gar gole miro čavo. Dja pale pale oun čip tout.”