Ruth 2:4 - O Debleskro Lab 2024 (Sinte-Manouche)

⁴ Pal i tsiro vas o Boas dran o foro Betlehem oun penas ap peskre boudepangre, kay o djob činenn: “O baro Devel vell t'mentsa!” Oun yon penan ap leste: “O baro Devel dell tout peskri barht!”

O Debleskro Drom 2021 (Sinte)

⁴ Pal i tsiro was o Boas dran o foro Betlehem un penas ap peskre budepangre, kai o djob tchinenn: “O baro Dewel well tumentsa!” Un jon penan ap leste: “O baro Dewel dell tut peskri bacht!”

Ruth 2:4 Iomraidhean Croise

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

Debleskri gili 118:26

Sharedo vell kova, kay vell an o baro Debleskro lab. Kate, dran o Debleskro kheer rakrah o Debleskri barht pral t'mende vin.

Debleskri gili 134:3

O baro Devel, kay o bolepen oun i phoub kras, hi khere ap i berga Sion. Foun kotar mou čivell lo peskri barht ap toute!

Jeremia 31:23

Kova penell o baro Devel, ko ray pral o bolepen oun i phoub, kay o Israeleskro Devel hi: “An ko tsiro, kay anau len pale dran kol themma, kay yon pandle his, penenn i menshe dran i forya an o them Youda: O baro Devel mou čivell peskri barht ap toute, tou them, kay o čačepen khere hi, oun o Devel ap peskri berga djivell.

4. Mose 6:24

Mou dell tout o baro Devel barht oun zoor, oun dell garda ap toute!

Louka 1:28

Oun o Gabriel vas pash late an o kheer oun penas: “Lačo dives, Maria! O Devel hi touha! Yob dikas lačes ap toute.”

2. Tessalonikarja 3:16

Maro ray Yezous, kolestar vella i tseli barht, kolestar mangau, te dell lo t'men hako tsiro peskri barht an o dji, kote, kay t'mer han. Maro ray Yezous djal t'mentsa lauterentsa!

1. Timoteo 6:2

Kol boudepangre, kay hi len patsle raya, hounte dikenn gar tele ap pengre rayende. Na-a, yon hounte boudrenn lačeder lenge. Kolla hi lengre phrala. Oun o Devel kamell len o djiyestar. Oun yon krenn ninna lačo koova. Kova pen i patslenge an o dji, te krenn le les!

2. Timoteo 4:22

Maro ray Yezous hi touha! Leskro lačepen djal t'mentsa!

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Čačepangre 6:12

Kote sikras pes ko baro Debleskro bolepaskro leske, oun penas ap leste: “O baro Devel hi touha, tou čačo morsh oun kourepaskro!”

Čačepangre 6:16

Kote penas o baro Devel ap leste: “Me djau touha, oun tou mareh i Midianarya, har te vans le yek morsh.”

Ruth 2:3

Koy djas li vin, kolenge palla, kay o djob činenn, oun hadas djob pre ap i harhetikri phoub. Oun kova vas yaake, kay kava kotar phoub o Boases his, ko morshes dran o Elimelekeskri familya.

Ruth 2:5

Oun o Boas poučas o pralstunestar mank i boudepangre: “Have menshendar hi koy terni djouvel?”

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!

1. Samuel 17:37

Oun pale penas o David: “O baro Devel, kay las man vin dran o leveskre moussya oun dran o bereskre moussya, kova lell man ninna vin dran i vasta kava Filistarestar.” Oun o Saul penas ap o David: “Dja koy, o baro Devel djal touha!”