Ruth 2:14 - O Debleskro Lab 2024 (Sinte-Manouche)

¹⁴ Oun har vas o tsiro rhapaske, penas o Boas lake: “Ab kate kay, oun le touke maro oun čip les an o shout!” Koy beshas li pes pash kolende, kay činenn o djob tele. Oun yob das late peklo djob an o vast. Oun yoy rhas lentsa oun vas čalo, oun moukas čiddo, – yaake boud his lat.

O Debleskro Drom 2021 (Sinte)

¹⁴ Un har was o tsiro chapaske, penas o Boas lake: “Ab kate kai, un le tuke maro un tchip les an o shut!” Koi beshas li pes pash kolende, kai tchinenn o djob tele. Un job das late peklo djob an o wast. Un joi chas lentsa un was tchalo, un mukas tchiddo, – jaake bud his lat.

Ruth 2:14 Iomraidhean Croise

2. Samuel 17:28

Kolla anan čibya, pirya, čare, gib oun djob, yarro, peklo djob, bohne, linse,

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Jesaja 32:8

Ko pralstouno, kay hi an o čačepen tardo, lell peske čačo koova glan. oun moukell gar tele, te krell lo kova ninna.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Mateo 14:20

Oun yon rhan lauter, oun van čalo. Oun pal o rhapen hadan le kol kotya mare pre, hoy pral ačan. Oun deesh-te-douy marengre gone van pherdo.

5. Mose 11:15

Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.

5. Mose 8:10

Oun te rhan oun van čales, palle sharenn t'maro baro Debles ko lačo themeske, hoy lo t'men das.

Ruth 2:13

Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”

Ruth 2:15

Oun har li pre stas, te hadell li pale djob pal lende pre, penas o Boas ap peskre boudepangre: “Moukenn lat ninna mank ko khetne pandlo djob pre te hadell! Ma tradenn lat krik!

Ruth 2:18

Oun yoy hidjras lauter an o foro oun anas les peskro romeskri dake, oun das lat ninna ko peklo djob, hoy pral ačas lakro rhapastar.

1. Samuel 17:17

Oun o Isay penas ap peskro čaveste David: “Le kal deesh kilogramme peklo djob, oun kal deesh mare, oun an len sik pash tire phralende, kay ap o kourepaskri platsa tardo hi.

1. Samuel 25:18

Kote djas i Abigayil sik oun las 200 (douy-sheel) mare, oun douy molyakre gone pherdi mool, panč pekle bakre oun yek gono pherdo peklo djob, yek sheel tikne gone pherde drake, hoy trouk kerdo van, ninna 200 (douy-sheel) faygetikre merklia. Oun kova lauter moukas li ap bourike te čivell.