Ruth 2:13 - O Debleskro Lab 2024 (Sinte-Manouche)

¹³ Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”

O Debleskro Drom 2021 (Sinte)

¹³ Joi penas leske: “Tu hal jaake latcho ap mande, miro rai! Tu rakral latches ap mande un kral miro dji pale soreles, ninna te hom me kek kol djuwjendar, kai tuke budrenna.”

Ruth 2:13 Iomraidhean Croise

1. Mose 32:6

Man hi groumya oun bourike, bakre oun bouzya, oun boudepangre: morsha oun djouvya. Bičrau kal morshen, te penenn le kova touke, miro rayeske, te vess lačo ap mande.”

1. Mose 33:10

“Na-a”, penas o Yakob. “Mangau tout: Te hal mange lačo, le mandar kova, hoy me tout dau dran mire vasta. Me dikom an tiro mouy, har te dikap an o Debleskro mouy, yaake kamlo dikal ap mande.

1. Mose 33:15

Penas o Esau ap leste: “Me kamau mire morshendar pash toute moukell.” “Hoske?” poučas o Yakob. “Mange hi doha, kay tou, miro ray, mange lačo hal.”

1. Mose 33:8

“Hoy kameh tou kol tsele firhentsa, hoy pash mande van?” poučas o Esau. “Kamau te dap len toute, te vess mange lačo, miro ray”, penas o Yakob.

1. Mose 34:3

Oun yob kamas lat o djiyestar oun rakras lače labentsa ap late.

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

2. Samuel 16:4

Penas o baro ray ap o Siba: “Shoun, kova lauter hi touke, hoy o Mefi-Boshetes hi.” Penas o Siba: “Me čivau man tele glan toute. Ab hako tsiro yaake lačes ap mande, miro baro ray!”

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

Hosea 2:16

Doleske dik, me kamau lat te tserdell, oun kamau lat an o moulo tato them te anell. Oun kote rakrau kamles lah.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

Čačepangre 19:3

Oun kote kras pes lakro rom ap o drom, oun djas lake palla, te rakrell lo lake an o dji, oun lell lat pale pale pash peste. Oun les his peskro boudepaskres oun douy esle pash peste. Oun yoy anas les an o peskro dadeskro kheer. Oun har lakro dad les dikas, djas lo barhteles pash leste,

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”

Ruth 2:14

Oun har vas o tsiro rhapaske, penas o Boas lake: “Ab kate kay, oun le touke maro oun čip les an o shout!” Koy beshas li pes pash kolende, kay činenn o djob tele. Oun yob das late peklo djob an o vast. Oun yoy rhas lentsa oun vas čalo, oun moukas čiddo, – yaake boud his lat.

1. Samuel 1:18

Oun yoy penas: “Mou dikenn tire yaka kamles ap mande!” Oun koy djouvel djas peskro drom, oun rhas, oun dikas bouder gar yaake phagedo vin har glan kova.

1. Samuel 25:41

Kote stas li pre, oun vitsras pes tele ap peskro mouy ap i phoub oun penas: “Me hom leskri boudepaskretsa oun kamau te thovap i herya i boudepangrendar miro rayestar.”