Ruth 2:12 - O Debleskro Lab 2024 (Sinte-Manouche)

¹² O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”

O Debleskro Drom 2021 (Sinte)

¹² O baro Dewel mu dell tut ko latchepen pale, hoi tu lake kral! Job, o baro Dewel, ko Dewel pral o Israel, pash koleste tu wal, un tel koleskro wast tut khatral, job te dell tut i shukar brawlepen halautereske, hoi kral.”

Ruth 2:12 Iomraidhean Croise

Debleskri gili 17:8

Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

Debleskri gili 19:11

Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

Debleskri gili 36:7

Tiro čačepen djal yaake pre har i bare berge. Oun i čače laba, hoy tou vin rakreh, djan dour tele har o baro pani. Baro Devel, tou deh i menshen oun i firhen kova, hoy len hounte vell.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 58:11

O dji kolendar vell barhtelo, kay hi an o čačepen tardo, te dikenn le, kay lenn i čilače pengri phagi. An kolengro rat thovenn le pengre pire.

Debleskri gili 61:4

Pash toute nay khatrau man. Ava, har i baro zorelo kheer val tou mange, kay me man khatrau glan kolende, kay man palla lenn.

Debleskri gili 63:7

Me te hom ap o čiben čiddo, veh tou mange an o shero. An i rat, kay me sovau gar, rakrau touha an miro dji.

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Gosewe laba 23:18

Palle hi tout i lačo djipen glan toute, oun kova vella, hoy tou o djiyestar kamal.

Jeremia 31:16

Kanna penell o baro Devel: Mouk tiri gole oun tiro ropen! Khosse tire sva! Kova, hoy kral tire čavenge, his gar čičeske, penell o baro Devel. Yon venn pale pale dran o them, kay van le tele rikedo.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Mateo 6:1

Denn yak, har krenn t'mer lačo koova! Ma krenn les yaake, te dikenn i menshe kova oun sharenn t'men! Koon t'mendar kova krella, koles dell t'maro dad an o bolepen kek lačepen pale.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Kolossarja 2:18

Hi menshe, kay krenn pen bares, oun kamenna, te shounenn t'mer ap kava te kova, oun te sharenn t'mer o Debleskre bolepangre, har yon krenna. Ma shounenn ap lende! Ninna te penenn le t'menge, te dikan le i baro koova, hoy kek vavar dikas, ma patsenn lenge! Kova, hoy yon penenna, hi či moldo. Yon hi sharede, ninna te dell či, pral hoy yon nay sharans pen: Lauter hoy yon rakrenna vell dran lengro shero.

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

Ruth 1:16

I Ruth penas: “Rake gar ap mande dren, te moukap tout! Me moukau tout gar. Kay tou djah, djau me ninna. Kay tou ačeh, ačau ninna. Tire menshe hi mire menshe. Oun tiro Devel hi ninna miro Devel.

Ruth 2:11

O Boas penas ap late: “Mange vas lauter penlo, hoy tou ap tiro romeskri dake lauter kral pal tiro romeskro merepen, te moukal tiro dades oun tiri dat oun tiro them oun djal pash menshende, kolen tou glan kova gar prindjral.

Ruth 2:13

Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”

Ruth 4:15

Oun yob krell tiro djipen barhteles, oun dell yak, te djal touke mishto, te veh phouro. Tiro čaveskri romni, kay tout peskro tselo djiyeha kamell, anas les ap i phoub. Koya hi touke boudeder moldo har efta čave.”

1. Samuel 24:19

Kava dives sikral tou man oun lauteren, te hal tou lačes ap mande, har čivas man o baro Devel an tiro vast, oun tou dal man gar moulo.

1. Samuel 24:20

Kay hi yek, kay hatsell koles, kay kamell les te marell, oun moukell les an o kamlepen peskro drom te djal? O baro Devel moukell touke lauter mishto te djal koleske, hoy kava dives ap mande kral!