Ruth 1:16 - O Debleskro Lab 2024 (Sinte-Manouche)

¹⁶ I Ruth penas: “Rake gar ap mande dren, te moukap tout! Me moukau tout gar. Kay tou djah, djau me ninna. Kay tou ačeh, ačau ninna. Tire menshe hi mire menshe. Oun tiro Devel hi ninna miro Devel.

O Debleskro Drom 2021 (Sinte)

¹⁶ I Rut penas: “Rake gar ap mande dren, te mukap tut! Me mukau tut gar. Kai tu djah, djau me ninna. Kai tu atcheh, atchau ninna. Tire menshe hi mire menshe. Un tiro Dewel hi ninna miro Dewel.

Ruth 1:16 Iomraidhean Croise

2. Samuel 15:21

O Itay penas ap o baro rayeste: “Me dau man sovel pash o djido Debleste: Yaake har čačo hi, kay tou, miro baro ray, djiveh, me, tiro boudepaskro, djau touha, kay tou ninna djah. Hi mange yek, te merau oder te ačau djido.”

Debleskri gili 45:10

I bare rayengre ča hi pash toute, oun ap tiri čači rig hi tiri pirni tardo, oun ap late hi o lačeder sonakay.

Gosewe laba 17:17

I maal sikrell hako tsiro pengro kamlepen. Oun i phraal vell boldo, te vell lo touke ap i rig an phare tsirya.

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Hosea 13:4

Me o baro Devel, hom tiro Devel, foun ko tsiro, kay anom tout dran o them Egiptia vin. Tou te prindjress kek vavar debles har man, Oun kek vavar nay lell tout dran o merepen vin har me kokres.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Mateo 8:19

Koy vas i biboldengro čačepaskro pash leste oun penas: “Sikepaskro, me kamau touha te djal, kay tou ninna djah.”

Johanni 13:37

“Ray, hoske nay vau me kanna gar touha?” poučas o Petro lestar. “Me meroms touke ninna.”

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

Josua 24:18

Oun yob tradas kol vavar menshen glan mende vin, ninna kol Amorarya, kolla kay an kava them djivan. Doleske, kamah mer ninna o baro Debles an-te-mangell. Yob hi maro Devel.”

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.

Ruth 1:15

Koy penas i Naomi ap i Ruth: “Dik, i Orpa djas pale pash peskre menshende oun pash peskro debleste. Dja tou ninna pale lake palla!”

Ruth 1:17

Kote kay tou mereh, kamau ninna te merell. Oun kote kamau me paskedo te vell. O baro Debleskri rholi vell pral mande, te rikrau gar, hoy touke penom. O merepen kokres nay činell men, – ko yekes o vavarestar.”

Ruth 2:6

Oun ko pralstouno boudepaskro penas: “Koya hi dran o them Moab, oun vas khetne i Naomi foun kotar pale.

Ruth 4:15

Oun yob krell tiro djipen barhteles, oun dell yak, te djal touke mishto, te veh phouro. Tiro čaveskri romni, kay tout peskro tselo djiyeha kamell, anas les ap i phoub. Koya hi touke boudeder moldo har efta čave.”