Remarja 9:21 - O Debleskro Lab 2024 (Sinte-Manouche)

²¹ Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.

O Debleskro Drom 2021 (Sinte)

²¹ Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

Remarja 9:21 Iomraidhean Croise

Gosewe laba 16:4

Lauter, hoy o baro Devel kras, hi čomoneske, ninna kras lo o čilačo menshes ko diveske, kay i bibarht vella.

Jesaja 10:15

O baro Devel penell: “Nay sharell pes i tover pral koleste kay leha dell? Na-a! Vitar gar hadell pes i činepaskri, hoy kasht činell, pral koleste, kay leha činell. Kova vals yaake, har te dals o kasht koles, kay les pre hadas, oun yaake har te hadals ko kotar kasht o morshes.”

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 22:28

Yek nay penals: Hoske kreh tou ko morsheha Konya yaake har i khoreha, hoy an kotya dino vas, oun hoy kek kamell? Hoske vell yob oun leskre čave krik tradedo, oun zoryah an i vavar them anlo, hoy prindjrenn le gar?

Hosea 8:8

O Israel hi nashedo; i menshenge dran i vavar themma troul lende, hi lo har i piri, hoy či moldo hi.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?