Remarja 9:16 - O Debleskro Lab 2024 (Sinte-Manouche)

¹⁶ Yaake nay krell kek mensho dran peste, te vell o Devel lačo ap leste, ninna te kamell lo kova. Na-a, lauter vell dran o Debleskro kamlepen.

O Debleskro Drom 2021 (Sinte)

¹⁶ Jaake nai krell kek mensho dran peste, te well o Dewel latcho ap leste, ninna te kamell lo kowa. Na-a, lauter well dran o Debleskro kamlepen.

Remarja 9:16 Iomraidhean Croise

Debleskri gili 110:3

Tou te deh tire lourden gole, venn le lauter o djiyestar touha. Shoukar an-rido hi kol terne morsha, kay venn pash toute ap o Debleskri berga, raylo har o dives, te djal o kham pre.

Jesaja 65:1

O baro Devel penell: Me homs koy, te rodenn le man. Oun yon poučan gar pal mande. Me homs koy, te hatsenn le man. Oun yon rodan man gar. Me penom: Kate hom! Kate hom! ap menshende, kay man gar an-gole dan.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Mateo 4:8

Pal kova anas les o beng ap i bari berga pre, oun sikras les i tsele themma ap i phoub oun lengro bravlepen,

Louka 10:21

An ko tsiro das o Debleskro Dourho o Yezouses i bari barht an o dji. Oun yob penas: “Tata, tou hal o ray pral o bolepen oun i phoub, oun me sharau tout. Kova, hoy tou kreh, sikral tou kolende, kay gar boud djinenna. Oun kolla, kay gosevo hi oun boud djinenna, kolla hayvenn kova gar. Ava, yaake kamal tou kova.

Johanni 3:8

O zorelo dourho, hoy phourdell pral i phoub, djal, kay kamell lo. Tou shouneh les. Kay yob vella, oun kay yob djala, djineh tou gar. Yaake hi pash koleste, kay vella dran Debleskro Dourho boldo.”

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

Efesarja 2:8

Dran peskro lačepen las lo t'men dran o čilačepen vin, har patsan ap o Yezous Kristeste. T'mer van nay gar dran t'mari zoor dran o čilačepen oun o merepen vin. Na-a! O Devel las t'men vin.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.