Remarja 9:1 - O Debleskro Lab 2024 (Sinte-Manouche)

¹ Glan o Yezous Kristeste penau t'menge: Kova, hoy t'menge kanna penau, hi o čačepen oun kek rhorhepen. Ninna o Debleskro Dourho an miro dji penell mange kova.

O Debleskro Drom 2021 (Sinte)

¹ Glan o Jesus Kristeste penau tumenge: Kowa, hoi tumenge kanna penau, hi o tchatchepen un kek chochepen. Ninna o Debleskro Ducho an miro dji penell mange kowa.

Remarja 9:1 Iomraidhean Croise

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 2:15

Yaake dikah, an lengre djia hi činlo, hoy o Devel kamella. Te kran le o čilačo koova, penell lenge lengro dji: Kova his gar mishto, hoy kral. Te kran le lačo koova, penell lenge lengro dji: Kova his mishto, hoy kral.

Remarja 8:16

Oun o Debleskro Dourho penell menge an o dji, te ham mer o Debleskre čave.

Remarja 9:2

Yob djinell, miro dji rovella oun doukella hako tsireske mire phralenge, kay bibolde hi har me. Mange vals čačo, te voms me mire phralenge praasedo o Deblestar, te venn yon pash leste, ninna te voms me palle bouder gar o Yezous Kristeha khetne.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 1:23

Kanna penau t'menge, hoske djom gar pash t'mende. Me kamom t'men gar pale te doukrell. Glan o Debleste penau t'menge kava pash mo djipen.

2. Korintarja 11:10

An kava koova sharenn man i menshe. Oun pash o Yezous Kristeskro čačepen, hoy an mande hi, penau t'menge: Kek mensho an ko tselo them Akaya lell kava sharepen mandar krik!

2. Korintarja 11:31

O Devel, ko dad o Yezousestar, maro rayestar, djinella, kay penau o čačepen. Les sharas mer hako tsiro.

2. Korintarja 12:19

Patsenn t'mer, te rodah mer maro čačepen glan t'mende? Kova hi gar yaake. Mer djivah o Yezous Kristeha oun djinah, o Devel shounell, hoy mer rakrah. Mire phrala oun phenya, mer rakrah yaake, te vell t'maro patsepen zoreles.

Galatarja 1:20

O Devel djinella, kay kava lauter čačo hi, hoy me t'menge činau. Me rhorhau gar.

Filiparja 1:8

O Devel djinella: Miro dji hi pash t'mende. O Yezous Kristo das man i baro kamlepen t'menge.

1. Tessalonikarja 2:5

T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

1. Timoteo 2:7

Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!