Remarja 8:2 - O Debleskro Lab 2024 (Sinte-Manouche)

² Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

O Debleskro Drom 2021 (Sinte)

² Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

Remarja 8:2 Iomraidhean Croise

Debleskri gili 51:12

Miro Devel, de man i nevo dji, hoy hi djoudjo oun touke kokres koy!

Ezekiel 1:21

Te djan le, djan kol rade ninna. Te ačan le tardo, ačan kol rade ninna tardo. Oun te hadan le pen pre i phoubyatar, hadan pen i rade ninna pre. I rade kran, hoy i bolepangre kaman.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Johanni 8:36

Te krell o Debleskro čavo, kay han bouder gar pandlo, yaake han čačepah bouder gar pandlo.

Remarja 16:3

Penenn lače laba mandar ap i Priska oun ap o Akvila! Yon boudrenn mantsa o Yezous Kristeske.

Remarja 3:27

Koon nay sharell pes kanna? Kova, kay rikras pes ap kol laba, hoy penenna, har te djivas mer? Na-a, les hi či, te sharell lo pes. Kova hi čačo glan o Debleste, kay ap o Yezous Kristeste patsella.

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

Remarja 6:18

Kanna han bouder gar pandlo ap o čilačepen. Kanna han tardo an o čačepen, oun krenn kova, hoy o Devel kamella.

Remarja 6:22

Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

Remarja 7:21

Yaake dikau: An miro djipen hi kova yaake: Ninna te kamau o lačepen te krell, krau me o čilačepen.

Remarja 7:23

Oun me nay krau les gar. Me dikau, an mande hi i vavar o ray. Kova pandell man oun moukell man gar te krap, hoy kamau. Kova hi o čilačepen, hoy an mande djivella.

Remarja 7:4

Yaake hi kova ninna t'mentsa, mire phrala. Har o Yezous Kristo meras, meran t'mer leha. O Moseskre laba hi bouder gar o ray pral t'mende. Kol labenge han moulo. Kanna hi t'men i vavar ray. Kova hi o Yezous Kristo, koles o Devel i moulendar djido kras. Kanna nay djivah yaake, te vell o Devel sharedo!

Remarja 8:1

Yaake djal kek nashedo, kay djivell o Yezous Kristeha khetne.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

2. Korintarja 3:17

Maro ray Yezous oun o Debleskro Dourho hi yek. Te djivell o Debleskro Dourho an yekeste, hi ko mensho bouder gar pandlo, oun hounte djal bouder gar ap o phouro drom.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

Galatarja 2:19

Har krom gar, hoy o Moseskre laba penenna, penan kol laba mange: Tou hounte meress. Yaake hom lenge moulo oun nay djivau kanna o Debleske. Me merom o Yezouseha ap o troushel.

Galatarja 5:1

O Yezous Kristo las men vin dran hako koova, ap kova pandlo hams. Ačenn zoreles oun moukenn t'men bouder gar te pandell!

Galatarja 6:2

Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

Debleskro tsiro 11:11

Oun me dikom: Pal kol triin-te-paash divessa kras o Devel len pale djido. Oun yon stan pre. Oun i bari daar tapras kolen, kay kova dikan.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.