Remarja 7:24 - O Debleskro Lab 2024 (Sinte-Manouche)

²⁴ Me bibarhtelo! Koon nay lell man dran miro phouro djipen vin, hoy anell man an o merepen?

O Debleskro Drom 2021 (Sinte)

²⁴ Me bibachtelo! Koon nai lell man dran miro phuro djipen win, hoi anell man an o merepen?

Remarja 7:24 Iomraidhean Croise

1. Rajengro liil 8:38

koon palle peskro tselo djiyeha toutar mangella, nay vell yek, nay venn boudeder, nay vell o tselo Israel, oun an peskro djiyeskri douk rikrell lo peskre vasta ap kay rig, kay kava kheer hi,

Debleskri gili 102:20

O baro Devel dikas pral tele dran o pralstunepen, kay lo khere hi. Dran o bolepen dikas lo tele ap i phoub,

Debleskri gili 119:131

Me krau miro mouy dour pre, oun piyau tiro lab, yaake boud troush hi man pal tire laba.

Debleskri gili 119:143

Ninna te hi miro djipen pharo oun i daar tapras man, hom barhtelo pral tire laba.

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Debleskri gili 119:20

Miro dji rhačrell, te dikap har tou rakreh o čačepen vin.

Debleskri gili 38:2

Baro Devel, ma činge ap mande an tiri rholi! Ma de man i phagi an tiri rholi!

Debleskri gili 6:6

Te hom moulo, nay sharau me tout bouder gar. Pash i moulende parkrenn le pen gar pash toute.

Debleskri gili 71:11

oun penenn: “O Devel djas peske lestar. Las les palla oun tapras les! Kek hi koy, kay les dran mare vasta vin lell.”

Debleskri gili 72:12

Yob hi kova, kay shounell o čorveles, kay dell gole, oun lell les dran i bibarht vin, oun vell ap i rig kolestar, kones kek hi, hoy leske koy hi.

Debleskri gili 88:5

Hom lauterenge har yek, kay ap o merepen čiddo hi. Hom har i morsh, koles kek zoor bouder hi.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Remarja 6:6

Mer djinah, maro phouro djipen vas leha ap o troushel dino oun meras, te vell o čilačepen bouder gar o ray pral mende.

Remarja 8:13

Te djivenn t'mer t'maro phouro djipen, merenn t'mer. Te djivenn t'mer yaake, har o Debleskro Dourho kova kamella, oun penenn na-a ap o čilačepen, hoy an t'maro shero hi, palle djivenna.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

Remarja 8:23

Oun gar kolla kokres, na-a, men ninna hi douka oun dikah o tselo djiyeha ap ko tsiro, kay vah čačepah Debleskre čave oun merah bouder gar. Ninna te hi men kanna o Debleskro Dourho an mende, dikah ap ko tsiro, kay merah bouder gar.

Remarja 8:26

Ninna vell o Debleskro Dourho ap mari rig, kay ham gar zorelo. Te kamah mer te rakras o Debleha oun djinah gar, hoy te mangas lestar, palle rakrell o Debleskro Dourho menge i labentsa, hoy kek nay rakrell vin.

Kolossarja 2:11

Har moukan t'maro phouro djipen pal t'mende, van t'mer o Debleskre menshe. I bibolde van činlo i vastentsa ap pengro mass. T'mer van gar činlo i vastentsa. Na-a! T'mer lan i nevo dji, hoy das t'men o Yezous Kristo.

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 2:15

Yaake nay las lo kol menshenge i daar o merepastar, hoy his len an pengro tselo djipen.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.