Remarja 7:23 - O Debleskro Lab 2024 (Sinte-Manouche)

²³ Oun me nay krau les gar. Me dikau, an mande hi i vavar o ray. Kova pandell man oun moukell man gar te krap, hoy kamau. Kova hi o čilačepen, hoy an mande djivella.

O Debleskro Drom 2021 (Sinte)

²³ Un me nai krau les gar. Me dikau, an mande hi i wawar o rai. Kowa pandell man un mukell man gar te krap, hoi kamau. Kowa hi o tchilatchepen, hoi an mande djiwella.

Remarja 7:23 Iomraidhean Croise

Debleskri gili 142:7

Shoun, har dau gole. Mange hi ropaske. Le man vin dran i vasta kolendar, kay man palla lenn! Yon hi zorleder har me.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Remarja 6:13

Denn yak, te krenn či t'mare vastentsa, heryentsa, yakentsa oun mouyentsa, hoy krell o čilačepen ap kay phoub zorleder! Djivenn o tselo djiyeha o Debleske, har save, kay his moulo, oun van pale djido. Krenn kova lauter, hoy krell o lačepen zorleder!

Remarja 6:19

Me penom t'menge kova yaake, te hayvenn man nay. Har hans gomme gar patslo, kran t'mer djoungelo oun čilačo koova. Oun o čilačepen an t'mende vas baro oun bareder. Kanna hi kova vavarčandes. Doleske krenn kova, hoy lačo oun čačo hi! Yaake djivenn t'mer o Debleskro djipen.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Remarja 7:21

Yaake dikau: An miro djipen hi kova yaake: Ninna te kamau o lačepen te krell, krau me o čilačepen.

Remarja 7:25

O Devel vell sharedo! Maro ray, o Yezous Kristo, kras kova! Pral miro dji hi o Devel o ray, oun me hom leske koy. Oun pral miro mass hi o čilačepen o ray.

Remarja 7:5

Har djivam maro phouro djipen, vas o čilačepen zoreles an mende. O Moseskre laba, hoy menge penan, hoy te kras mer gar, kol laba kran, te vas o bok pal o čilačepen bares an mende. Yaake kram mer kova, hoy an o merepen anella.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

Galatarja 5:17

Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

Hebrearja 12:4

Me djinau, t'mer kamenn gar, te vell o čilačepen o ray pral t'mende. Ninna te vas t'menge pharo, te penenn na-a ap o čilačepen, meran doleske gomme gar.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

Jakobo 4:1

Kay vell o kourepen oun o čingepen mashkral t'mende? Kova vella dran t'mare čilače djia. Hakeno kamell o feteder koova peske kokres.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!