Remarja 5:8 - O Debleskro Lab 2024 (Sinte-Manouche)

⁸ O Devel sikras, har baro leskro kamlepen menge hi, har meras o Yezous Kristo menge, har mer gomme čilače hams.

O Debleskro Drom 2021 (Sinte)

⁸ O Dewel sikras, har baro leskro kamlepen menge hi, har meras o Jesus Kristo menge, har mer gomme tchilatche hams.

Remarja 5:8 Iomraidhean Croise

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Johanni 15:13

Kekes hi bareder kamlepen har kova, kay merell peskre malenge.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Remarja 3:5

Kanna poučau t'mendar: Hi i menshen gar čačo, te penenn le: “Hi maro čilačepen baro, vell o Debleskro lačepen bareder. Doleske hi o Debles gar čačo, te dell lo men i phagi.”

Remarja 4:25

O Yezous Kristo hi kova, koles o Devel bičras, te merell lo menge, oun te lell lo mari doosh mendar krik. Oun o Devel kras les i moulendar djido, te nay krell lo men čačo glan leste.

Remarja 5:20

O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Remarja 5:6

O Yezous Kristo meras menge, har djivam gomme dour o Deblestar. Men kokres his kek zoor, te vas pash leste.

Remarja 5:7

Kek merell i čačo mensheske. Nay vell, te merell yek i lačo mensheske.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

Remarja 8:39

či, hoy pral an o bolepen hi oun či, hoy tele an i phoub hi, oun kek vavar, hoy djivella, nay krell, te kamell men o Devel bouder gar. Kova, hoy maro ray, o Yezous Kristo, menge kras, sikrell men, har baro o Debleskro kamlepen hi.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

1. Timoteo 1:16

Me krom bareder čilačepen har hako vavar. Oun ninna man las o Devel dran miro čilačo djipen vin, te nay sikrell o Yezous Kristo ap mande, har boud yob i menshen kamella, yaake, te patsenn i menshe ap leste, oun lenna ko djipen, hoy gar pre-herella.

Hebrearja 8:3

Hako baro rashay ap i phoub hounte anell o Debleske marede firhen, oun vavar lačo koova. Ninna maro rashay, o Yezous, hounte anell čomone o Debleske.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Johanni 3:16

O Yezous sikras mende, har o Debleskro kamlepen hi. Yob moukas peskro djipen menge. Yaake moukas mer ninna maro djipen i patslenge.