Remarja 5:16 - O Debleskro Lab 2024 (Sinte-Manouche)

¹⁶ Kova, hoy o Yezous Kristo menge kras, hi gar har kova, hoy o Adam ap mende anas. Ko yek mensho kras o čilačepen. Oun doleske hounte meras lo, ninna lauter, kay pal leste van. O Yezous Kristo sikras men o Debleskro lačepen oun las mari boud doosh mendar, te krell lo men čačo glan o Debleste.

O Debleskro Drom 2021 (Sinte)

¹⁶ Kowa, hoi o Jesus Kristo menge kras, hi gar har kowa, hoi o Adam ap mende anas. Ko jek mensho kras o tchilatchepen. Un doleske hunte meras lo, ninna lauter, kai pal leste wan. O Jesus Kristo sikras men o Debleskro latchepen un las mari bud doosh mendar, te krell lo men tchatcho glan o Debleste.

Remarja 5:16 Iomraidhean Croise

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Mateo 6:14

T'mer te bistrenn o čilačo koova, hoy i vavar ap t'mende kran, palle bistrell t'maro dad an o bolepen ninna o čilačepen, hoy t'mer kran.

Remarja 8:1

Yaake djal kek nashedo, kay djivell o Yezous Kristeha khetne.

1. Korintarja 11:32

Te lah mer i phagi o Deblestar, palle krell yob kova, te djas mer gar khetne i vavar menshentsa nashedo.

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

Jakobo 2:10

Te rikreh tout ap i tsele laba, hoy an o Moseskre lila činlo hi, oun te kreh tou yek čilačo koova, palle hi kova, har te rikrals tou tout ap či, oun tou leh doosh ap toute.