Remarja 5:15 - O Debleskro Lab 2024 (Sinte-Manouche)

¹⁵ Ko vavar mensho hi o Yezous Kristo. O Adam kras o čilačepen, oun boud menshe hounte meran. O Yezous Kristo anas o Debleskro lačepen, oun las boud menshen vin dran o merepen. Yaake dikah, o Debleskro lačepen hi boud bareder har o menshengro čilačepen.

O Debleskro Drom 2021 (Sinte)

¹⁵ Ko wawar mensho hi o Jesus Kristo. O Adam kras o tchilatchepen, un bud menshe hunte meran. O Jesus Kristo anas o Debleskro latchepen, un las bud menshen win dran o merepen. Jaake dikah, o Debleskro latchepen hi bud bareder har o menshengro tchilatchepen.

Remarja 5:15 Iomraidhean Croise

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Bičepangre 15:11

Mer patsah, te dell men maro ray Yezous ko djipen, hoy gar pre-herella čičeske, – kokres dran leskro lačepen. Ninna kolen, kay kek bibolde hi, dell lo kava djipen čičeske, – kokres dran leskro lačepen.”

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

2. Korintarja 9:15

Parkras men pash o Debleste! Yob das men peskro baro kamlepen, kay hi yaake baro, te nay rakrah les gar vin.

Efesarja 2:8

Dran peskro lačepen las lo t'men dran o čilačepen vin, har patsan ap o Yezous Kristeste. T'mer van nay gar dran t'mari zoor dran o čilačepen oun o merepen vin. Na-a! O Devel las t'men vin.

Hebrearja 2:9

Kones mer dikah, kova hi o Yezous. Yob his i tikno tsiro tikneder har i bolepangre, oun meras i menshenge. Doleske kras o Devel les baro oun raylo. Yaake lačo his o Devel i menshenge, te bičras lo o Yezouses lauterenge an o merepen.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

1. Johanni 5:11

O Devel penas čačepah, te dell lo men ko djipen, hoy gar pre-herella. Oun ko djipen hi an peskro čaveste.