Remarja 5:13 - O Debleskro Lab 2024 (Sinte-Manouche)

¹³ Glan rah tsiro, har shounan i menshe gomme gar, har te djivenn le, anan le kek doosh ap pende, te kran le o čilačepen.

O Debleskro Drom 2021 (Sinte)

¹³ Glan rah tsiro, har shunan i menshe gomme gar, har te djiwenn le, anan le kek doosh ap pende, te kran le o tchilatchepen.

Remarja 5:13 Iomraidhean Croise

1. Mose 13:13

Kol menshe an Sodom his čilačo oun djivan an baro čilačepen glan o baro Debleste.

1. Mose 18:20

Oun o baro Devel penas: “Boud djoungelo koova vas pral i forya Sodom oun Gomorra rakedo, kay yon an baro čilačepen djivenna.

1. Mose 19:32

Djineh hoy? Mer dah maro dadeste mool te piyell, oun čivah men pash leste, te vell men čave lestar, te meras gar vin.”

1. Mose 19:36

Koy van kol douy pengro dadestar Lot an vavar koova.

1. Mose 19:4

Har yon kaman pen tele te čivell, van i morsha o forestar Sodom pash o Loteskro kheer khetne. I tsele morsha dran o foro, kol terne oun kol phoure his tardo troul ko kheer,

1. Mose 38:10

Oun kova, hoy yob kras, his čilačo an o baro Debleskre yaka. Oun yob moukas les ninna te merell.

1. Mose 38:7

Oun o Er his čilačo an o baro Debleskre yaka. Oun o baro Devel moukas les te merell.

1. Mose 6:11

Oun i phoub his bouder gar lačo glan o Debleskre yaka. I menshe kran, kay his i phoub pherdo čilačepen oun midjak koova. Har o Devel ap i phoub dikas, dikas lo, te djan i tsele menshe ap i čilačo drom.

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Remarja 4:15

Te djinell yek gar, hoy o Devel lestar kamella, oun krell i čilačo koova, nay djinell lo gar, kay kova čilačo hi. Kolla, kay djinenn, hoy o Devel lendar kamella oun krenn kova gar, pral kolende vell o Debleskri rholi. Yaake anenn o Moseskre laba, hoy menge penenna, hoy o Devel mendar kamella, čačepah o Debleskri rholi pral i menshende.

1. Korintarja 15:56

O merepen lell peskri zoor dran o čilačepen, hoy o mensho krella. Hoy čilačo hi, djinah mer dran o Moseskre lila, kay činlo hi, har te djivas.

1. Johanni 3:14

Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

1. Johanni 3:4

Hakeno, kay o čilačepen krella, djivell gar pal o Debleskro čačepen. Oun kova, kay djivell gar pal o Debleskro čačepen, anell doosh ap peste.