Remarja 4:9 - O Debleskro Lab 2024 (Sinte-Manouche)

⁹ Koy barht hi gar kolenge kokres, kay hi činlo ap pengro mass. Na-a. Koy barht hi ninna kolenge, kay hi gar ap o mass činlo. Kova hi yaake, har me t'menge penom: O Abraham patsas o Debles, oun doleske čivas o Devel les an o čačepen.

O Debleskro Drom 2021 (Sinte)

⁹ Koi bacht hi gar kolenge kokres, kai hi tchinlo ap pengro mass. Na-a. Koi bacht hi ninna kolenge, kai hi gar ap o mass tchinlo. Kowa hi jaake, har me tumenge penom: O Abraham patsas o Debles, un doleske tchiwas o Dewel les an o tchatchepen.

Remarja 4:9 Iomraidhean Croise

1. Mose 15:6

Oun o Abram patsas o baro Debles. Oun doleske kras o Devel les čačo glan peskre yaka.

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

Remarja 4:10

Poučau t'mendar: Havo tsiro čivas o Devel les an o čačepen? Čivas lo les an o čačepen ap ko tsiro, kay yob ap o mass činlo vas? Na-a. Yob čivas les an o čačepen, har yob gar ap o mass činlo his.

Remarja 4:3

Hoy hi činlo an o Debleskro lab? Kote hi tardo: O Abraham patsas o Debles, oun doleske čivas o Devel les an o čačepen.

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.