Remarja 4:19 - O Debleskro Lab 2024 (Sinte-Manouche)

¹⁹ Ap ko tsiro his o Abraham sheel bersha phouro. Leskri romni Sara his ninna boud phouro. Ninna te dikas o Abraham, har phouro yon his, ačas lo zorelo an o patsepen.

O Debleskro Drom 2021 (Sinte)

¹⁹ Ap ko tsiro his o Abraham sheel bersha phuro. Leskri romni Sara his ninna bud phuro. Ninna te dikas o Abraham, har phuro jon his, atchas lo sorelo an o patsepen.

Remarja 4:19 Iomraidhean Croise

1. Mose 17:17

Koy moukas pes o Abraham ap i phoub te perell, sanas oun penas peske: “Me hom sheel bersh phouro. Oun man te vell i čavo? Oun i Sara hi enya-deesh bersh phouro. Yoy te lell i ternepen?”

Mateo 14:29

“Ab!” penas lo. Oun o Petro djas dran o bero, oun djas ap o pani pash o Yezouseste.

Mateo 14:31

O Yezous rikras leske o vast koy, tapras les, oun penas ap leste: “Tiro patsepen hi tikno. Hoske patsal man gar?”

Mateo 6:30

O Devel kras o zenlepen yaake shoukar, hoy kava dives vin tardo hi, oun o vavar dives an o bob vitsedo vella. Kitse kope boudeder nay dell lo t'men an-ripaske! Hoske hi t'maro patsepen yaake tikno?

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.