Remarja 4:17 - O Debleskro Lab 2024 (Sinte-Manouche)

¹⁷ Yaake hi činlo an o Debleskro lab: Me krom tout o dad boud menshendar an boud themma. O Abraham dikas ap o Debleste oun patsas, te nay krell o Devel i moulen djido, oun nay krell kova, hoy gomme gar koy his.

O Debleskro Drom 2021 (Sinte)

¹⁷ Jaake hi tchinlo an o Debleskro lab: Me krom tut o dad bud menshendar an bud themma. O Abraham dikas ap o Debleste un patsas, te nai krell o Dewel i mulen djido, un nai krell kowa, hoi gomme gar koi his.

Remarja 4:17 Iomraidhean Croise

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

Jesaja 43:6

Ap i rayende pral i themma, hoy hi serves oun čačes toutar, penau: De kay! Ma rike len pale! Anenn mire čaven oun čen foun doural, anenn len dran i palstoune themma i phoubyatar!

Jesaja 44:7

Oun koon hi har me? Kova mou dell gole oun penell les oun sikrell les mande! Koon moukas an o phouro tsiro glan-vi te penell, hoy vella? Mou penenn le menge, hoy vella!

Jesaja 48:13

Mire vastentsa krom i phoub, oun čivom o bolepen bourhles pral i phoub. Me dom len gole, oun yon his koy tardo.

Jesaja 49:12

Dikenn, mire menshe venn foun doural: dran i themma, hoy serves oun čačes čiddo hi, oun foun kotar, kay o kham tele djal.

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jesaja 55:12

T'mer djan barhteles vin an o lačepen, oun kek rikrell t'men pre. I bare oun i tikne berge denn gole i barhtyatar, te dikenn le t'men. Oun i rouka an o veesh denn an pengre vasta.

Mateo 3:9

Ma penenn: O Abraham hi maro dad! Me penau t'menge: O Devel nay krell dran kal barra o Abrahameskre čaven.

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Bičepangre 15:18

O Devel krell kova kanna, hoy yob glan i rah tsiro penas.”

Remarja 3:29

O Devel hi gar kokres i biboldengro Devel. Na-a, yob hi ninna o Devel kolenge, kay kek bibolde hi.

Remarja 4:18

O Devel penas o Abrahameske: Tou leh i čaves. Kolestar venna boud boud menshe, yaake boud, te djivenn le an boud themma. Ninna te dikas o Abraham či kolestar, hoy o Devel leske penas, patsas lo o Debles.

Remarja 4:2

Kras lo lauter, hoy mishto hi? Palle nay sharals pes lo glan i menshende, gar glan o Debleste.

Remarja 8:11

O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

Remarja 9:26

Kote, kay ap lende penlo vas: T'mer han gar mire menshendar, kote venn le kharedo: I čave o djido Deblestar.

1. Korintarja 1:28

O Devel rodas kolen vin, kay an i menshengre yaka či molenna, oun kay gar mishto an-diklo hi, te sikrell lo, kova, hoy pash i menshende boud molella, hi pash leste či moldo.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

Hebrearja 11:12

Har o čavo boldo vas, his o Abraham ninna yaake phouro, te nay vals lo bouder gar o dad i čavestar. Oun yob vas o dad boud boud menshendar. Leskre čave, čavengre čave oun lauter, kay pal leste van, van yaake boud har i bolepangre momlia, oun har i tikne barra pash o baro pani, kay kek djinell, har boud kolla hi.

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

1. Petro 2:10

Glan i rah tsiro hans t'mer gar leskre menshe. Kanna han t'mer o Debleskre menshe. Glan i rah tsiro djinan t'mer gar, kay hi les i baro dji t'menge. Kanna kras lo peskro dji t'menge pre.

2. Petro 3:8

Lače phrala oun phenya, yek koova hounte djinenn t'mer: Pash o Debleste hi yek dives har i zero bersha, oun i zero bersha hi har yek dives.