Remarja 4:13 - O Debleskro Lab 2024 (Sinte-Manouche)

¹³ Glan rah tsiro das o Devel o Abrahames peskro lab, te lenn leskre čave i tseli phoub. Ap ko tsiro penas o Devel leske gar: Tou te kreh lauter, hoy toutar kamau, palle leh tou kova halauter. Na-a. Yob penas leske: Tou patsal ap mande, doleske hal čačo glan mande.

O Debleskro Drom 2021 (Sinte)

¹³ Glan rah tsiro das o Dewel o Abrahames peskro lab, te lenn leskre tchawe i tseli phub. Ap ko tsiro penas o Dewel leske gar: Tu te kreh lauter, hoi tutar kamau, palle leh tu kowa halauter. Na-a. Job penas leske: Tu patsal ap mande, doleske hal tchatcho glan mande.

Remarja 4:13 Iomraidhean Croise

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Debleskri gili 2:8

Te mangeh mandar i tsele themma, dau me len toute. Ava, i tseli phoub dau me toute, te vell li tiro.

Debleskri gili 72:11

I tsele bare raya perenn tele ap i phoub glan leste. Oun i tsele natsyone boudrenn leske.

Bičepangre 13:32

Oun mer penah t'menge: Ko lab, hoy o Devel mare phourenge penas, vas kanna čačo, an kava tsiro, kay mer, lengre čave, djivah. O Devel kras o Yezouses i moulendar djido. An i douyti Debleskri gili hi činlo: Tou hal miro čavo. Kava dives vom tiro dad.

Remarja 4:12

Yob hi ninna o dad kolendar, kay hi činlo ap o mass, te djivenn le an o patsepen yaake, har o Abraham djivas glan ko tsiro, kay yob ap o mass činlo vas.

Remarja 9:8

Yaake dikah, o Abrahameskre čave hi gar lauter leskre čače čave, oun doleske vitar gar o Debleskre čave. Na-a, kolla hi leskre čave, kolendar o Devel glan-vi penas, te lell len o Abraham,

Galatarja 3:29

Te djan t'mer o Yezous Kristeha, han t'mer ninna o Abrahameskre čave. Oun t'mer lenn kova, hoy o Devel o Abrahameskre čavende della, yaake har penas lo.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Hebrearja 7:6

Koleste das o Devel peskro lab, te krell lo les baro, oun te dell lo les boud barht. Ninna te hi o Abraham yaake baro, hi o Melkisedek bareder har yob. Yob las o deshto kotar o Abrahamestar oun rakras o Debleskri barht pral leste vin, ninna te his lo gar leskre menshendar.