Remarja 3:9 - O Debleskro Lab 2024 (Sinte-Manouche)

⁹ Hoy hi kanna? Hi i bibolde feteder glan o Debleste tardo har kolla, kay kek bibolde hi? Na-a, yaake har penom: I bibolde, har kolla, kay kek bibolde hi, halauter kran čilačo koova.

O Debleskro Drom 2021 (Sinte)

⁹ Hoi hi kanna? Hi i bibolde feteder glan o Debleste tardo har kolla, kai kek bibolde hi? Na-a, jaake har penom: I bibolde, har kolla, kai kek bibolde hi, halauter kran tchilatcho koowa.

Remarja 3:9 Iomraidhean Croise

Gosewe laba 20:9

Koon nay penell pestar: Me rikrom miro dji djoudjes, man hi kek doosh?

Jesaja 65:5

Oun yon penenn i vavarenge: Ač krik touke, ma tape man an! Me taprom ko koova miro deblestar an. Save menshe, penell o baro Devel, nay dikau me gar glan i yaka. Miri rholi pral lende hi har i yag, hoy o tselo dives rhačell.

Louka 7:39

Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

Remarja 11:32

O Devel moukas i tsele menshen i tsiro, kay shounan le gar ap leste, te nay vell lo lauterenge lačes.

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

Remarja 2:1

Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

Remarja 3:1

Kanna poučau t'mendar: Hi kova i biboldenge boud moldo, te hi le vin rodedo mank i vavar menshende oun činlo ap pengro mass?

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:5

Kanna poučau t'mendar: Hi i menshen gar čačo, te penenn le: “Hi maro čilačepen baro, vell o Debleskro lačepen bareder. Doleske hi o Debles gar čačo, te dell lo men i phagi.”

Remarja 6:15

Kanna djivah mer bouder gar pal o Moseskre laba. Kanna djivah dran o Debleskro lačepen. Kras mer kanna o čilačepen? Na-a, kova kras mer gar!

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

1. Korintarja 10:19

Me kamau t'mendar te poučell: Hi i figura i čačo devel? Na-a! Hi ko mass, hoy anan le glan late, vavarčandes har vavar mass? Na-a!

1. Korintarja 14:15

Hoy hounte krap me kanna? Me kamau te rakrap o Debleha an i rakepen, hoy o Debleskro Dourho man das. Ninna kamau me te rakrap leha i labentsa, hoy me hayvau. Oun me kamau leske te givap, har o Debleskro Dourho moukell man te givell. Oun ninna kamau te givap i labentsa, hoy me hayvau.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Filiparja 1:18

Hoy te penap? Mange hi boud moldo, te vell o Yezouseskro drom i menshende siklo, yaake te yaake. Yek rakrell lestar dran i čilačo dji, oun i vavar dran i lačo dji.