Remarja 3:8 - O Debleskro Lab 2024 (Sinte-Manouche)

⁸ Kras čilačo koova, te vell lačo koova dran koleste!” Hi menshe koy, kay rakrenn djoungeles pral mende oun penenn, mer penams i menshenge: “Kras čilačo koova, te vell lačo koova dran koleste!” Kova penah mer gar! Čačepah, kolla, kay penenn kova, lenn pengri phagi.

O Debleskro Drom 2021 (Sinte)

⁸ Kras tchilatcho koowa, te well latcho koowa dran koleste!” Hi menshe koi, kai rakrenn djungeles pral mende un penenn, mer penams i menshenge: “Kras tchilatcho koowa, te well latcho koowa dran koleste!” Kowa penah mer gar! Tchatchepah, kolla, kai penenn kowa, lenn pengri phagi.

Remarja 3:8 Iomraidhean Croise

Jeremia 40:16

Kote penas o Gedalya ap o Yohanan: Na-a, ma kre kova! Kova hi gar čačo, hoy tou pral o Ismael penal.

Mateo 5:11

T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Remarja 5:20

O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Remarja 6:1

Hoy te kras kanna? Djivas doureder an o čilačepen, te vell o Debleskro lačepen bareder? Na-a!

Remarja 6:15

Kanna djivah mer bouder gar pal o Moseskre laba. Kanna djivah dran o Debleskro lačepen. Kras mer kanna o čilačepen? Na-a, kova kras mer gar!

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

2. Korintarja 11:15

Doleske hounte kras mer kek bare yaka, te krenn ninna leskre boudepangre har te vans yon o Debleskre boudepangre. Yon len pengri phagi o Deblestar.

2. Korintarja 6:8

Hi menshe koy, kay sharenn men, oun vavar, kay praasenn men. Hi menshe, kay rakrenn djoungeles pral mende, oun vavar, kay rakrenn kamles pral mende. Ko yek penell: “Rhorhene!” ap mende, kol vavar djinenn, mer penah o čačepen.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.