Remarja 3:4 - O Debleskro Lab 2024 (Sinte-Manouche)

⁴ Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

O Debleskro Drom 2021 (Sinte)

⁴ Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

Remarja 3:4 Iomraidhean Croise

Hiob 36:3

Me sikrau touke ko boud koova, hoy me djinau, te sikrap, te hi kova čačo oun mishto, hoy kras o Devel, kova, kay man kras.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Debleskri gili 100:5

Kamlo hi o baro Devel. Leskro lačepen ačell hako tsireske. Oun leskro čačepen herell gar pre.

Debleskri gili 116:11

Homs yaake phagedo, te penom: “I tsele menshe hi rhorhene.”

Debleskri gili 119:160

Tiro tselo lab hi o čačepen. Oun tire tsele čačepaskre laba ačenna hako tsireske.

Debleskri gili 138:2

Glan tiro Debleskro kheer perau tele, oun parkrau man pash toute, te kral tiro dji mange pre oun rikral tiro lab. Ava, tou dal men boudeder har menge penal. Tiro lab hi rayleder har i tsele vavar.

Debleskri gili 51:4

Thob miri doosh mandar tele, oun le ko tselo čilačepen mandar krik, te vap pale djoudjo!

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Louka 20:16

Yob vella, oun marell kol harhen, oun dell ko drakengro them i vavaren.” Har kolla kova shounan, kay troul o Yezouseste tardo his, penan le: “Kova vella gar yaake!”

Johanni 3:33

Koon patsell ap leste, kova sikrell yaake, kay halauter čačo hi, hoy o Devel penella.

Remarja 11:1

Me poučau t'mendar kanna: Čivas o Devel kol menshen infam, kay yob peske vin rodas? Na-a! Kova hi gar yaake. Me hom ninna i Israelitari, i čavo o Abrahamestar, oun mire menshe hi Benyaminarya.

Remarja 11:11

Me poučau t'mendar kanna: Peran yon o Debleskro dromestar tele, te nay stenn le bouder gar pre? Na-a. Kova hi gar yaake. Har peran yon o Debleskro dromestar tele, vas o Debleskri barht pash kolende, kay hi kek bibolde, yaake te zilverenn i bibolde ap kolende.

Remarja 3:31

Vitsrah mer kanna kol laba ap i rig, kay o Devel penella, har te djivas? Na-a, kanna, kay patsah, nay krah čačepah, hoy o Devel kamella.

Remarja 6:15

Kanna djivah mer bouder gar pal o Moseskre laba. Kanna djivah dran o Debleskro lačepen. Kras mer kanna o čilačepen? Na-a, kova kras mer gar!

Remarja 6:2

Kova kras mer gar! Mer ham har moulo. Oun o čilačepen hi bouder gar o ray pral mende.

Remarja 7:13

Kanna poučau t'mendar: Anell man kova, hoy lačo hi, an o merepen? Na-a. Kova hi gar yaake. O čilačepen, hoy krom, kova anell man an o merepen. Kol laba, hoy penenn menge, hoy o Devel mendar kamella, kol laba sikran man, hoy čilačo hi, te dikap me, har djoungelo o čilačepen hi.

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

Remarja 9:14

Hoy te penas mer kanna: Djal o Devel gar pal o čačepen? Na-a! Kova hi gar yaake.

1. Korintarja 6:15

Djinenn t'mer gar, kay han yek o Yezous Kristeha? I mensho, kay hi yek o Yezous Kristeha, nay vell gar khetne i loubyah. Kova djal gar!

2. Korintarja 1:18

O Devel djinella: Kova hoy mer penah, kova krah ninna.

Galatarja 2:17

Mer ninna, kay ham bibolde, kamah, te krell men o Devel čačo glan peste. Kol labentsa penah mer, kay ham pale-čidde oun čilače glan o Debleste, yaake har i tsele vavar menshe ap i phoub. Penau kanna, kay o Yezous Kristo men ap o čilačo drom anas? Na-a!

Galatarja 2:21

Yaake čivrau o Debleskro lačepen gar ap i rig. Te djivoms me pal o Moseskre laba, oun kolla krans mange čačo glan o Debleste, meras o Yezous Kristo čičeske.

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

1. Johanni 5:10

Koon ap o Debleskro čaveste patsella, kova djinella an peskro dji, kay hi kova čačo, hoy o Devel pral o Yezous Kristeste penas. Koon o Debles gar patsella oun leskre laba gar patsella, hoy o Devel pral peskro čaveste penas, kova penella, te rhorhras o Devel.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.