Remarja 3:24 - O Debleskro Lab 2024 (Sinte-Manouche)

²⁴ Oun o Devel krell len čičeske čačo oun erligo dran leskro baro lačepen. O Yezous Kristo playsras lenge peskro rateha.

O Debleskro Drom 2021 (Sinte)

²⁴ Un o Dewel krell len tchitcheske tchatcho un erligo dran leskro baro latchepen. O Jesus Kristo plaissras lenge peskro rateha.

Remarja 3:24 Iomraidhean Croise

Debleskri gili 130:7

Tou, Israel, dik ap o baro Debleste! Yob hi lačes menge, oun leskro dji hi hako tsiro pre, te lell lo men vin dran o čilačepen.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Bičepangre 15:11

Mer patsah, te dell men maro ray Yezous ko djipen, hoy gar pre-herella čičeske, – kokres dran leskro lačepen. Ninna kolen, kay kek bibolde hi, dell lo kava djipen čičeske, – kokres dran leskro lačepen.”

Remarja 4:16

Doleske krell o Devel kolen čačo, kay ap leste patsenna. Leskro čačepen dell o Devel čičeske lauterenge, kay ap leste patsenna. Yaake ačell ko lab, hoy yob o Abrahameste das, lauterenge, kay venna pal o Abrahameste, i biboldenge har kolenge, kay djivenn dran o patsepen har o Abraham. Kova hi o dad mendar lauterendar.

Remarja 4:4

I mensho, kay marell pes tele, te vell lo čačo, hi har i boudepaskro, kay hounte boudrella, te vell lo playsedo. Leskre love lell lo gar čičeske.

Remarja 5:9

Leskro rateha kras lo men čačo glan o Debleste. Doleske nay djinah zoreles: O Debleskri rholi vell bouder gar ap mende. O Yezous Kristo kras lauter mishto.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Kolossarja 1:14

kay playsras menge peskro rateha, oun las mari doosh mendar krik.

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”