Remarja 2:6 - O Debleskro Lab 2024 (Sinte-Manouche)

⁶ Ap ko dives dell lo hakenes pal kova, hoy yob kras.

O Debleskro Drom 2021 (Sinte)

⁶ Ap ko diwes dell lo hakenes pal kowa, hoi job kras.

Remarja 2:6 Iomraidhean Croise

Hiob 34:11

Yob dell o menshes ap o shero pale, hoy yob kras, oun yaake, har djivas lo, vell kova ap leste.

Debleskri gili 62:12

Boudeder har yek kopo shounom: O Devel kokres hi zorelo,

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

Gosewe laba 24:12

Te peneh tou: Mer djinam kova gar! Palle djiness: Kova, kay an i djia dikell, hayvell les. Oun kova, kay ap tiro djipen yak dell, kova djinell les. Oun yob dell o menshes kova pale, hoy lo kras.

Gosewe laba 24:2

Lengre djia lenn penge savo koova pherdo marepen glan, oun hoy le rakrenn, anell bibarht.

Gosewe laba 26:10

Har yek, kay troul peste karye dell, oun hakenes doukrell, yaake hi kova, kay lell i dineles, te boudrell lo leske, oder saven, kay djan ap o drom.

Sikepaskro 3:17

Kote penom mange: O Devel rakrell o čačepen vin pral koleste, kay djivell an o čačepen, oun pral koleste, kay djivell an o čilačepen. Hako koova, oun halauter, hoy yek krell, koleske dell i čačo tsiro.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Ezekiel 18:20

Kokres kova, kay doosh ap peste anell, hounte merell. I čavo hounte hidjrell gar i doosh peskro dadestar. Vitar gar hounte hidjrell o dad koy doosh, hoy o čavo ap peste anas. Kova, kay o čačepen kras, ap leste vell leskro čačepen pale. Oun kova, kay doosh ap peste anas, ap leste vell leskri doosh pale.

Ezekiel 18:30

Doleske penau me, o baro Devel, t'maro ray: Me krau o čačepen vin pral t'mende dran o kheer Israel – pral hakeneste, yaake har djivas lo. Moukenn t'maro čilačo drom! Krenn bouder gar ko tselo čilačo koova, hoy kran, te anenn kek doosh ap t'mende.

Ezekiel 36:19

Oun me tradom len an vavar themma mank vavar menshende, oun dom len pengri phagi koleske, hoy le kran oun har le djivan.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Remarja 14:22

Kova, hoy tou patseh an kava koova, djineh tou oun o Devel kokres. Tou hounte sikress les lende gar. Barhtelo hal tou, te kreh lauter yaake, te hounte peness touke gar: Kova, hoy krom, his gar mishto.

1. Korintarja 3:8

Kova, kay o djob an i phoub vitsrella hi yaake baro har kova, kay pani pre čorella. Oun o Devel dell hakenes, hoy leskri boudi moldo hi.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

2. Korintarja 11:15

Doleske hounte kras mer kek bare yaka, te krenn ninna leskre boudepangre har te vans yon o Debleskre boudepangre. Yon len pengri phagi o Deblestar.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.

Debleskro tsiro 22:12

Dik, me vau sik, oun dau hakenes pal kova, hoy yob kras.