Remarja 2:21 - O Debleskro Lab 2024 (Sinte-Manouche)

²¹ Hoy te penap t'menge? T'mer sikrenn i vavarende o Debleskro drom. Oun t'menge kokres penenn t'mer gar: Djas ap o Debleskro drom! T'mer penenn i vavarenge: Ma čorenn! Oun t'mer kokres čorenn.

O Debleskro Drom 2021 (Sinte)

²¹ Hoi te penap tumenge? Tumer sikrenn i wawarende o Debleskro drom. Un tumenge kokres penenn tumer gar: ‘Djas ap o Debleskro drom!’ Tumer penenn i wawarenge: ‘Ma tchorenn!’ Un tumer kokres tchorenn.

Remarja 2:21 Iomraidhean Croise

Jesaja 42:20

Ninna te dikan t'mer boud koova, lan les gar an o dji. Ninna te his t'mare kanda pre, shounan gar.

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Mateo 21:13

Oun yob penas ap kol tsele menshende: “O Devel penas: Miro kheer te vell i kheer, kay sharenn man i menshe oun mangenn man an. T'mer kran lestar i kheer, kay i menshe rhorhenna oun randenna.”

Louka 11:46

Koy penas o Yezous: “T'mer čačepangre, t'mer krenna, hoy gar mishto hi. T'mer krenn i menshenge o djipen pharo. Ko tselo koova, hoy yon hounte rikrenn, hi har i pharo gono ap lengri phik. Oun t'mer rikrenn t'men gar ap kova.

Louka 12:47

Ko boudepaskro, kay djinella, hoy peskro ray lestar kamella, oun krell kova gar, kova lell boud dava.

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.

Louka 4:23

O Yezous penas: “Čačepah, t'mer penenna: Dramaskro, kre tout kokres sasto! Tou kral sau baro koova an o foro Kapernaum. Kre kova kate ninna!

1. Korintarja 9:27

Oun me dau yak ap mande, te vap o ray pral miro mass. Me kamau gar te penap i menshenge, hoy yon hounte krenna, oun me kokres krau les gar.

Galatarja 6:13

Yon ninna, kay moukan pen ap o mass te činell, krenn gar lauter, hoy o Moseskre laba penenna. Doleske kamenn le, te moukenn t'men ap o mass te činell, yaake te sharenn yon pen glan i menshende.