Remarja 2:13 - O Debleskro Lab 2024 (Sinte-Manouche)

¹³ Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

O Debleskro Drom 2021 (Sinte)

¹³ Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

Remarja 2:13 Iomraidhean Croise

Debleskri gili 143:2

De man, tiro boudepaskres, kek phagi; glan toute hi kek mensho an o čačepen tardo.

Jeremia 11:6

Oun o baro Devel penas ap mande: Dja an kol forya an o them Youda, oun ap kol dromma an o foro Yerusalem, oun pen: Shounenn kol laba, hoy me t'mentsa vi-krom, oun krenn kova ninna!

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Louka 8:21

Penas lo: “Miri day oun mire phrala hi kolla, kay o Debleskro lab shounenna, oun kova ninna krenna.”

Johanni 13:17

T'mer djinenn kova kanna halauter. Te krenn t'mer kova, han barhtelo.

Bičepangre 13:39

Koon ap o Yezouseste patsella, koleskri doosh lell o Devel lestar krik.

Remarja 10:5

Kova, kay rikrell pes ap o Moseskre laba, te vell lo čačo glan o Debleste, hounte krell kova, hoy kote činlo hi. O Mose činas an peskre lila: Ko mensho lell o djipen o Deblestar, kay krell, hoy kote činlo hi.

Remarja 2:25

Ninna te han bibolde oun ap t'maro mass činlo, hounte rikrenn t'men ap kova, hoy o Devel an o Moseskre lila penas. Te krenn t'mer, hoy kote činlo hi, pale hi t'menge boud moldo, te han bibolde. Te krenn kova gar, han t'mer glan o Debleste har yek, kay hi kek biboldo.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Remarja 3:23

Lauter kran o čilačepen oun van pale-čiddo glan o Debleste.

Remarja 3:30

Yob hi ko yek Devel. Kova krell kolen čačo, kay ap o Yezous Kristeste patsenna: i bibolden har kolen, kay kek bibolde hi.

1. Korintarja 4:4

Me djinau gar, te anom doosh ap mande. Ninna te djinom kova gar, krell man kova gar čačo glan o Debleste. Kova, kay o čačepen pral mande vi-rakrella, hi kokres maro ray Yezous.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

5. Mose 4:1

Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.