Remarja 2:10 - O Debleskro Lab 2024 (Sinte-Manouche)

¹⁰ Raylepen, čačepen oun barht dell o Devel kolen, kay kran o lačepen, – gar kokres i bibolden, na-a, ninna kolen, kay kek bibolde hi.

O Debleskro Drom 2021 (Sinte)

¹⁰ Railepen, tchatchepen un bacht dell o Dewel kolen, kai kran o latchepen, – gar kokres i bibolden, na-a, ninna kolen, kai kek bibolde hi.

Remarja 2:10 Iomraidhean Croise

Hiob 22:21

Yaake, ab o Debleha pale an o lačepen! Oun ma činge leha! Palle vell pale barht an tiro djipen.

Debleskri gili 15:2

Koles kokres, kay i djoudjo djipen djivell, oun hako tsiro krell, hoy čačo hi. Kova, kay kek rhorhepen rakrella,

Debleskri gili 29:11

O baro Devel dell peskre menshende zoor, ninna barht oun lačo koova.

Debleskri gili 37:37

Kre yaake har kova, kay shounell ap o Debleste peskro tselo djiyeha! Oun djib yaake har kova, kay vell kek doosh ap leste hatslo. Savo mensheske djal mishto an ko tsiro, hoy vella.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Gosewe laba 8:18

Bravlepen oun barepen dau me, bravlepen, hoy ačella, oun o čačepen vell mandar.

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 48:18

Kamaus, te shounals tou ap mire laba. Palle vals yaake boud lačepen an tiro djipen, har pani an i lengsto pani hi. Oun pale te pale vals barht ap toute, yaake har o baro pani pale te pale ap o them nashell.

Jesaja 48:22

Kava tselo lačo koova, hi gar i čilačenge, penell o baro Devel.

Jesaja 55:12

T'mer djan barhteles vin an o lačepen, oun kek rikrell t'men pre. I bare oun i tikne berge denn gole i barhtyatar, te dikenn le t'men. Oun i rouka an o veesh denn an pengre vasta.

Jesaja 57:19

čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

4. Mose 6:26

O baro Devel dikell kamles ap t'mende oun dell t'men shoukapen an o dji!

Mateo 10:13

Oun yon te lenn t'men an lengro kheer dren, palle vell o Debleskri barht ap lende. Yon te lenn t'men gar an lengro kheer dren, palle vell o Debleskri barht gar ap lende.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Louka 12:37

Barhtele hi kol boudepangre, kay sovenn gar, te vell lengro ray pale. Me penau t'menge: O ray penell lenge, te beshenn le pen tele, te rhan le. Oun yob pandell peske i damdira trouyel, oun hi lenge koy.

Louka 19:42

oun penas: “Barhtelo vans t'mer, te djinans t'mer kava dives, koon anell t'menge o Debleskri barht! T'mer han korelo. T'mer dikenn les gar.

Louka 22:14

Har ko čačo tsiro vas, beshas yob pes tele. Oun kol deesh-te-douy bičepangre beshan pen leha.

Louka 9:48

oun penas ap lende: “Kova, kay lell kava čaves pash peste pre an miro lab, kova lell man pash peste pre. Koon man pre lella, kova lell koles pre, kay bičras man. Koon mashkral t'mende o tikneder hi, kova hi baro.”

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 2:9

Bibarht oun daar vell ap i tsele menshende, kay o čilačepen kran, gar kokres ap i biboldende, na-a, ninna ap kolende, kay kek bibolde hi.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.

Remarja 8:6

Kolla, kay djivenn yaake, har yon kamenna, kolla merenna. Kolla, kay krenna, hoy o Debleskro Dourho lenge penella, kolla len o Debleskro djipen oun leskri barht.

Remarja 9:21

Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Filiparja 4:7

Palle dell o Devel t'men peskri barht an o dji. Leskri barht hi yaake baro, kay nay hayvah kova gar. Oun o Yezous Kristo rikrell t'maro dji, oun lell t'mari daar krik.

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

Hebrearja 2:7

I tikno tsiro moukal les tikneder te vell har i bolepangre. Palle kral tou les raylo oun baro.

Jakobo 2:22

Tou dikeh, har yob kras, hoy o Devel lestar kamas, koy sikras lo, kay leskro patsepen ap o Debleste baro his.

Jakobo 3:13

Koon gosevo hi mank t'mende oun djinell boud, kova hounte sikrell dran peskro lačo djipen, kay hayvas lo, hoy mishto oun čačo hi. Oun yob sharell pes gar pral ko lačo koova, hoy yob kras.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 5:4

Oun ap ko dives, kay vell o pralstouno bakrengro, lenn t'mer leskro raylepen, hoy ačella hako tsireske.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.