Remarja 2:1 - O Debleskro Lab 2024 (Sinte-Manouche)

¹ Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

O Debleskro Drom 2021 (Sinte)

¹ Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

Remarja 2:1 Iomraidhean Croise

Louka 12:14

Penas o Yezous ap koleste: “Romeha, kova hi gar miri boudi.”

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.

Louka 6:37

Ma sikrenn ap o vavareskri doosh! Oun o Devel dikell gar ap t'mari doosh. Ma penenn: Kova hounte lell i phagi! Oun o Devel dell t'men kek phagi. Bistrenn ko čilačepen, hoy i vavar menshe ap t'mende kran. Oun o Devel bistrell ko čilačepen, hoy t'mer kran.

Remarja 14:22

Kova, hoy tou patseh an kava koova, djineh tou oun o Devel kokres. Tou hounte sikress les lende gar. Barhtelo hal tou, te kreh lauter yaake, te hounte peness touke gar: Kova, hoy krom, his gar mishto.

Remarja 2:2

Mer djinah, o Devel djal pal o čačepen, te dell lo kolen i phagi, kay savo čilačo koova krenna.

Remarja 2:3

Tou te sikreh ap i vavarende, kay savo koova krenna, oun tou kreh kova ninna, patseh tou čačepah, tou nay nasheh o Debleskri rholyatar krik?

Remarja 3:9

Hoy hi kanna? Hi i bibolde feteder glan o Debleste tardo har kolla, kay kek bibolde hi? Na-a, yaake har penom: I bibolde, har kolla, kay kek bibolde hi, halauter kran čilačo koova.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

1. Korintarja 7:16

I patsli djouvel nay djinell gar, te anell li nay peskro romes ap o Yezouseskro drom. Oun o patslo morsh nay djinell vitar gar, te anell lo nay peskri romyat ap o Yezouseskro drom.

Jakobo 2:20

Hoske hayveh tou kova gar? Dikeh tou gar, kay o patsepen ap o Debleste či molella, te kreh tou gar, hoy yob kamella?

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.