Remarja 16:5 - O Debleskro Lab 2024 (Sinte-Manouche)

⁵ Penenn ninna lače laba mandar ap kol patslende, kay an lengro kheer khetne venna, oun ap miro lačo maal, o Epayneto. Yob vas o ersto patslo an o them Asia.

O Debleskro Drom 2021 (Sinte)

⁵ Penenn ninna latche laba mandar ap kol patslende, kai an lengro kheer khetne wenna, un ap miro latcho maal, o Epaineto. Job was o ersto patslo an o them Asia.

Remarja 16:5 Iomraidhean Croise

Mateo 18:20

Oun kote, kay douy, triin menshe khetne venna an miro lab, kote hom me mashkral lende.

Bičepangre 16:6

O Paulo oun o Silas djan doureder. Oun har o Debleskro Dourho gar kamas, te penan le o Debleskro lab an o them Asia, djan le an i themma Frigia oun Galatia.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Bičepangre 18:27

Palle kamas o Apollo an o them Akaya te djal. Oun i patsle an o foro Efesus dan les i liil peha. An ko liil mangan le i phralendar an o them Akaya, te lenn yon o phrales Apollo pash pende pre. Oun har yob kote vas, djas lo pash kolende, kay patslo van dran o Debleskro lačepen, oun sikras len o Debleskro drom feteder oun boudeder.

Bičepangre 2:9

Mer vah dran i themma Partia, Media, Elam, Mesopotamia, Youdea, Kappadocia, Pontus, Asia, Frigia, Pamfilia, Egiptia, dran o foro Kirene, kay hi an o them Libia, oun ninna dran o foro Rom.

Remarja 11:16

Hako bersh vell o djob činlo, oun dell nevo maro. Te denn le i kotar nevo maro o Debleste, hi kova yaake, har te vell o tselo maro o Debleste dino. Yaake hi ninna pash o rouk. Te vas leskro drab o Debleste dino, palle hi ninna leskre kashta o Debleske.

Remarja 16:12

Penenn lače laba ap i Trifena oun i Trifosa! Kolla boudrenn o Yezouseske, maro rayeske. Penenn lače laba ap miri lači pheen, i Persis! Koya kras i bari boudi i patslenge.

Remarja 16:4

Har kaman man i menshe te marell, van le ap miri rig. Lengro djipen his lenge či moldo. Pash lende parkrau man gar kokres, na-a, ninna i tsele patsle, kay kek bibolde hi, parkrenn pen pash lende.

Remarja 16:6

Penenn ninna lače laba mandar ap i Mariat! Kaya boudras yaake boud t'menge.

Remarja 16:8

Penenn ninna lače laba ap o Ampliato, miro lačo maal an o patsepen,

1. Korintarja 16:15

Mire phrala, t'mer prindjrenn o Stefano oun kolla, kay an leskro kheer djivenna. Yon hi kol patsle, kay glan i tsele vavarende an o them Akaya ap o Yezouseste patsan. Yon boudrenna pengri tseli zoryah i patslenge. Mangau t'men,

1. Korintarja 16:19

I tsele patsle an o them Akaya penenn t'menge lače laba. Ninna kol douy, o Akvila oun i Priska, oun kol vavar patsle, kay khetne venna an lengro kheer, penenn boud lače laba ap t'mende, kay han lengre phrala oun phenya an o patsepen.

2. Korintarja 1:1

Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

2. Korintarja 9:2

Me djinau, t'mer kamenn o tselo djiyestar kol patslenge an o foro Yerusalem love khetne te čivell. Dran kova sharom t'men pash kolende an o them Macedonia oun penom: “Glan yek bersh lan kol phrala an o them Akaya love khetne.” Har yon kova shounan, kaman boud lendar yaake te krell, har t'mer kran.

Kolossarja 4:15

Penenn i patslenge an o foro Laodicea mendar: “Ačenn o Debleha!” Penenn kova ninna i Nimfa, oun kol tsele patslenge, kay venn khetne an lakro kheer!

Filemon 1:2

Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

3. Johanni 1:1

Me, i phoureder mank i patslende, činau touke, lačo Gayo, kava liil. Me kamau tout o tselo djiyestar.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.