Remarja 16:1 - O Debleskro Lab 2024 (Sinte-Manouche)

^1-2 Te vell mari pheen, i Febe, pash t'mende, mangau t'mendar, len lat lačes pash t'mende pre. Yoy hi o Debleskri boudepaskretsa an o foro Kenkrea. Lenn lat yaake lačes pash t'mende pre, har maro ray Yezous kova i patslendar kamella. Denn lat lauter kova, hoy lat hounte vell djipaske! Yoy his boud patslenge koy, ninna mange.

O Debleskro Drom 2021 (Sinte)

^1-2 Te well mari pheen, i Febe, pash tumende, mangau tumendar, len lat latches pash tumende pre. Joi hi o Debleskri budepaskretsa an o foro Kenchrea. Lenn lat jaake latches pash tumende pre, har maro rai Jesus kowa i patslendar kamella. Denn lat lauter kowa, hoi lat hunte well djipaske! Joi his bud patslenge koi, ninna mange.

Remarja 16:1 Iomraidhean Croise

Mateo 12:50

Kova, kay krella, hoy miro dad an o bolepen kamella, kova hi miro phraal, oun miri pheen, oun miri day.”

Markus 10:30

kova lell sheel kope yaake boud pale. Kanna, an kava tsiro lell lo khera oun phralen oun phenyen oun daya oun čaven, oun i kotar phoub. Ninna vell lo palla lino. An ko tsiro, hoy vella, lell lo o djipen, hoy gar pre-herella.

Louka 8:3

Ninna i Susanna djas leha, oun i Yoanna. Lakro rom his o Kouza. Kova his o pralstouno boudepaskro an o Herodeskro kheer. Oun boud vavar djouvya djan leha, te denn le len rhapen oun pipen dran kova, hoy len hi.

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

2. Korintarja 3:1

T'mer penans nay: Kanna sharenn le pen pale glan mende. Kova krah mer gar. Vitar gar hounte anas mer t'menge lila, kay dren tardo hi, har mishto mari boudi hi. Vavar menshe krenn kova, mer hounte kras kova gar. Vitar gar kamah t'mendar, te činenn t'mer menge save lila.

1. Timoteo 5:2

Rake i phouri djouvyah, har te vals li tiri day! Rake i terne djouvyentsa, har te vans le tire phenya, oun kre kova i djoudjo djiyeha!

Filemon 1:2

Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.

Jakobo 2:15

Hoy molell kova, te vell pash t'mende i phraal, i pheen, kay hi len gar doha ripaske, rhapaske oun pipaske,