Remarja 15:8 - O Debleskro Lab 2024 (Sinte-Manouche)

⁸ Oun me penau t'menge: O Yezous Kristo vas i biboldenge, te dikenn le, o Devel rikrell ap peskro lab, hoy das yob lengre phourende.

O Debleskro Drom 2021 (Sinte)

⁸ Un me penau tumenge: O Jesus Kristo was i biboldenge, te dikenn le, o Dewel rikrell ap peskro lab, hoi das job lengre phurende.

Remarja 15:8 Iomraidhean Croise

Gosewe laba 8:7

Ava, miro rakepen hi o čačepen. Kamau te rakrap kek čilačepen. Kova vals djoungeles an mire yaka.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Mateo 15:24

Penas lo ap lende: “O Devel bičras man pash i Israeleskre menshende kokres. Kolla hi har bakre, kay nashedo hi.”

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Johanni 1:11

Yob vas an peskro them, oun leskre menshe lan les gar pre.

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Remarja 11:22

Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

Remarja 11:30

Glan i tsiro shounan t'mer gar ap o Debleste. Oun palle vas o Debleskro kamlepen ap t'mende. Kova vas an kava tsiro, kay i bibolde gar ap leste shounan.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Remarja 3:26

I rah tsiro rikras o Devel peskri rholi pale, oun das len kek phagi. Kanna, ap kava tsiro meras o Yezous lenge, oun las lengri phagi ap peste. Yaake sikrell o Devel peskro čačepen. Yob hi čačo. Ninna krell lo koles čačo, kay ap o Yezous Kristeste patsella.

Remarja 3:3

Ninna te djan le gar lauter ap o Debleskro drom, rikras o Devel peskro lab, oun čivas len gar ap i rig.

Remarja 4:16

Doleske krell o Devel kolen čačo, kay ap leste patsenna. Leskro čačepen dell o Devel čičeske lauterenge, kay ap leste patsenna. Yaake ačell ko lab, hoy yob o Abrahameste das, lauterenge, kay venna pal o Abrahameste, i biboldenge har kolenge, kay djivenn dran o patsepen har o Abraham. Kova hi o dad mendar lauterendar.

1. Korintarja 1:12

Pash t'mende hi menshe, kay penenna: “Mer krah kova, hoy o Paulo menge penella.” Vavar penenna: “Mer rikrah men ap o Apollo.” Oun pale vavar penenna: “O Kefas hi maro sikepaskro.” Oun pale vavar penenna: “Mer rikrah men ap o Yezous Kristeste.”

1. Korintarja 10:19

Me kamau t'mendar te poučell: Hi i figura i čačo devel? Na-a! Hi ko mass, hoy anan le glan late, vavarčandes har vavar mass? Na-a!

1. Korintarja 10:29

Me rakrau gar t'mendar, rakrau ko vavarestar, te vals kova gar mishto leske, te rhals yob ko mass. Mange nay penell kek vavar, hoy me nay krap oun hoy gar.

1. Korintarja 15:50

Mire phrala, kova penau me t'menge: Menshe dran mass oun rat nay venn gar an o bolepen. Vitar gar vell kova, hoy moulo hi, kote, kay i djide hi.

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.