Remarja 15:4 - O Debleskro Lab 2024 (Sinte-Manouche)

⁴ Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

O Debleskro Drom 2021 (Sinte)

⁴ Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

Remarja 15:4 Iomraidhean Croise

Debleskri gili 102:18

Yob shounell o mangepen kolendar, hoy mouklo van. Ap lengro mangepen dikell yob lačes.

Debleskri gili 119:50

Har mange o djipen phares his, dal tou man nevi zoor. Tiro lab moukas man pre djivell.

Habakuk 2:2

O baro Devel rakras mantsa pale oun penas: Čin pre, hoy touke sikrau! Čin les shoukar pre ap i tafla, te nay draverell les hakeno, kay kote djal oun kova dikell.

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

1. Korintarja 10:11

Kova lauter, hoy ap lende vas, sikrell men, hoy nay vella. Oun mer, kay djivah kava dives oun djinah, te ačell kava tsiro bouder gar rah, menge vas kova činlo an i lila, te das mer yak ap mende.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.