Remarja 15:16 - O Debleskro Lab 2024 (Sinte-Manouche)

¹⁶ Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

O Debleskro Drom 2021 (Sinte)

¹⁶ Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

Remarja 15:16 Iomraidhean Croise

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 20:32

Me čivau t'men kanna an o Debleskro vast, te dell yob yak ap t'mende. Ačenn pash o Debleste oun pash leskro lab! Leskro lab sikrell t'mende o Debleskro lačepen. Les hi i zoor, te krell lo t'men zoreles an o patsepen. Oun o Devel dell t'men yek bravlepen an o bolepen. Kova hi o djipen, hoy gar pre-herella. Kova dell yob lauterende, kay leskre čave hi.

Bičepangre 22:21

O ray Yezous penas ap mande: Dja dran o foro Yerusalem vin! Me bičrau tout an i vavar themma pash kolende, kay kek bibolde hi.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 11:13

T'mer han kek bibolde. Oun t'menge penau me: Man hi o Yezouseskro vast. Yob bičras man pash t'mende. Oun me parkrau man pash leste, te nay sikrap t'mende leskro drom.

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

Remarja 15:19

Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

Remarja 15:20

Ap o tselo drom penom ko lab kokres kote, kay o Yezous Kristo gar prindjedo his, yaake te penell kek ap mande: “Tou boudreh kote, kay i vavar glan toute boudras.”

Remarja 15:29

Oun me djinau, te vau pash t'mende, anau t'menge i tseli barht, hoy vella o Yezous Kristestar.

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.

1. Korintarja 3:5

Dikenn, koon hi o Apollo, oun koon hom me, o Paulo! O Debleskre boudepangre ham mer oun kram, kay van t'mer patslo. Hakeno mendar kras koy boudi, har o Devel leste das.

1. Korintarja 4:1

Hakeno hounte dikell ap mende, te ham mer o Yezous Kristeskre boudepangre. Yob das men koy boudi, te penas i menshenge, hoy o Debles an o dji hi, oun hoy i menshe gomme gar djinenna.

1. Korintarja 6:19

Djinenn t'mer gar, kay han t'mer o kheer, kay o Debleskro Dourho djivella? Kova hi an t'mende oun vell o Deblestar. Oun t'mer han leskre, oun nay krenna bouder gar, hoy kamenna.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

2. Korintarja 8:5

Kova, hoy yon kran, his boudeder har mer patsam. Yon čivan pen an o vast o Yezousestar, maro rayestar, oun pal kova an mare vasta, yaake har o Devel kova kamas.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

1. Timoteo 1:11

Yaake penell menge o lačo lab, hoy das o Devel an mire vasta, te penap kova i menshenge. Ko lab sikrell men o Debleskro raylepen. Lestar vell o tselo lačepen.

1. Timoteo 2:7

Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.

2. Timoteo 1:11

O Devel bičras man, te penap o lačo lab o Yezous Kristestar i menshenge, oun sikrap len leskro drom.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.