Remarja 14:9 - O Debleskro Lab 2024 (Sinte-Manouche)

⁹ O Yezous Kristo meras, oun vas pale djido, te vell lo o ray pral kolende, kay moulo hi, oun pral kolende, kay djido hi.

O Debleskro Drom 2021 (Sinte)

⁹ O Jesus Kristo meras, un was pale djido, te well lo o rai pral kolende, kai mulo hi, un pral kolende, kai djido hi.

Remarja 14:9 Iomraidhean Croise

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Louka 24:26

Kolla penan: O Kristo, ko baro ray, kones o Devel bičras, hounte las douka ap peste, te djas lo an peskro raylepen.”

Johanni 12:24

Čačepah, me penau t'menge: Te vell o djob gar an i phoub oun merell tele, anell lo nay kek nevo djob. Te merell lo tele, anell yob boud nevo djob.

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

Bičepangre 10:42

Yob penas menge, te penas mer i tsele menshenge, kay o Devel rodas les vin, te hi lo o čačepaskro ray, kay rakrell o čačepen vin pral i tsele menshende, pral kolende, kay djivenna, oun ninna pral i moulende.

Remarja 10:9

Oun tou te peneh i menshenge: O Yezous hi o ray, oun te patseh tou an tiro dji, te kras les o Devel i moulendar djido, palle dell lo tout o djipen, hoy gar pre-herella.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Petro 4:5

Vell i dives, kay venn yon anlo glan o Debleste. Kova rakrell o čačepen vin pral i djidende, ninna pral i moulende. Oun yon hounte penenn o Debleske, hoske yon ko čilačo koova kran.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 2:8

“Čin kava liil ap o Debleskro boudepaskro, kay dell yak ap i patslende an o foro Smirna: Kava penell kova, hoy hi o glanstouno oun o palstouno, hoy moulo his, oun djido vas.