Remarja 14:8 - O Debleskro Lab 2024 (Sinte-Manouche)

⁸ Te djivah, djivah o Debleske. Te merah, merah o Debleske. Hako tsiro ham mer leskro, – an o djipen har an o merepen.

O Debleskro Drom 2021 (Sinte)

⁸ Te djiwah, djiwah o Debleske. Te merah, merah o Debleske. Hako tsiro ham mer leskro, – an o djipen har an o merepen.

Remarja 14:8 Iomraidhean Croise

Louka 20:38

Oun me penau t'menge: Yob hi gar o Devel kolenge, kay moulo hi. Yob hi o Devel kol djidenge. Kalla lauter djivenn leske.”

Johanni 21:19

Yaake kamas o Yezous o Petreste te sikrell, har yob merella oun an peskro merepen o Debles bares oun rayles krella. Pal kova penas o Yezous ap leste: “Am mantsa!”

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

1. Korintarja 15:23

Hakeno ap peskro tsiro: O Yezous Kristo hi o glanstouno. Te vell lo pale, stenn kolla pre, kay ap leste patsan.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Filiparja 2:30

Har t'mer van nay gar pash mande, his yob mange koy, oun leskro djipen his leske gar boud moldo. Leskri boudi o Yezous Kristeske anas les pash o merepen.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

Debleskro tsiro 14:13

Oun me shounom, har i rakepen dran o bolepen penas: “Čin kova an i liil dren: Kanna oun an ko tsiro, hoy vella, hi kolla barhtele, kay merenna oun rikran zoreles pengro patsepen ap o rayeste, o Yezouseste.” “Ava,” penell o Debleskro Dourho, “lenge djal lačes, oun yon bistrenn pengri tseli phari boudi. Kova, hoy yon kran o Debleske hi gar bistedo an o bolepen.”