Remarja 14:1 - O Debleskro Lab 2024 (Sinte-Manouche)

¹ Lenn ninna koles lačes pre, kay hi gar zorelo an o patsepen. Ma čingrenn leha pral o patsepen!

O Debleskro Drom 2021 (Sinte)

¹ Lenn ninna koles latches pre, kai hi gar sorelo an o patsepen. Ma tchingrenn leha pral o patsepen!

Remarja 14:1 Iomraidhean Croise

Hiob 4:3

Tou sikral boud menshen o čačo drom, oun kral khine vasta pale zoreles.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 42:3

I an-phagedo shilftikro khass, phagell lo gar tele, oun i momeli hoy gomme i tikni yagah rhačell, koya krell lo gar vin. Čačepah, yob krell, te lell hakeno peskro čačepen.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

Zakarie 11:16

Čačepah, me bičrau i bakrengro an o them, kay dikell gar pal i bakre, kay hi nashedo. Vitar gar rodell lo kolen, kay nashran pen. Kolenge, kay doukran pen, vell lo gar ap i rig. Oun leske hi yek, te vell i sasten doha te rhal oun te piyell. I thoulle bakren marell lo peske, oun tserdell lenge ninna i pire vin.

Mateo 12:20

Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

Mateo 14:31

O Yezous rikras leske o vast koy, tapras les, oun penas ap leste: “Tiro patsepen hi tikno. Hoske patsal man gar?”

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Markus 7:19

Ko rhapen djal gar an leskro dji. Ko djal an leskro per, oun vell pale vin.” Oun kol labentsa penas o Yezous lenge, kay kek rhapen pale-čiddo hi.

Louka 17:2

Koleske vals feteder, te vell leske i pharo bar troul i meen pandlo, oun te vell lo an o baro pani vitsedo, te nay anell lo bouder gar yekes kal tiknendar ap o čilačo drom.

Johanni 13:20

Čačepah, me penau t'menge: Koon yekes an peskro kheer lella, koles me bičrom, kova lell man an peskro kheer. Oun koon man an peskro kheer lella, kova lell koles an peskro kheer, kay bičras man.”

Bičepangre 28:2

Kolla, kay kote djivan, lan men kamles pre. Brishin das, oun his shila. Doleske kran le i yag, oun lan men pash pende.

Remarja 11:15

Har yon ap i rig čiddo van, nay van i vavar menshe ap i phoub pash o Debleste. Yaake vas dran i čilačo koova i lačo koova. Har boud shoukeder vell kova, te venn i bibolde pale pash o Debleste. Kova hi yaake shoukar, har te vans le moulo oun palle djido.

Remarja 14:2

Ko yek patsell, kek rhapen hi pale-čiddo. Ko vavar, kay hi gar zorelo an o patsepen, kova patsell, te nay rhal lo kek mass.

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.

Remarja 14:3

Kova, kay rhal o mass, hounte rikrell pes gar feteder har ko vavar, kay rhal kek mass. Kova, kay rhal kek mass, hounte penell ko vavareske gar: “Kova, hoy tou kreh, hi pale-čiddo koova.” O Devel čivas hake douyen an o čačepen.

Remarja 15:1

Mer, kay ham zorelo an o patsepen, hounte dikas ap kolende, kay hi gar zorelo an o patsepen, te hidjras mer lentsa, hoy lenge pharo hi. Mer hounte dikas gar ap mende kokres, te djal menge mishto.

Remarja 15:7

Yaake har hi o Yezous Kristes i dji t'menge, yaake hounte vell t'men i dji yek o vavareske! Palle vell o Devel sharedo.

Remarja 4:19

Ap ko tsiro his o Abraham sheel bersha phouro. Leskri romni Sara his ninna boud phouro. Ninna te dikas o Abraham, har phouro yon his, ačas lo zorelo an o patsepen.

1. Korintarja 9:22

Pash kolende, kay hi gar zoreles an o patsepen, djivau me yaake har yon djivenna. Kova krau me, te vell lengro patsepen ap o Yezouseste zoreles. Me vom lauterenge yaake har yon, te rodap i drom, te anap len pash o Yezous Kristeste.

Filiparja 2:29

Lenn les o djiyestar pash t'mende pre! Yob hi maro phraal an o patsepen ap o rayeste, o Yezouseste. Save phrala har yob hi t'menge boud moldo.

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Hebrearja 5:14

O morsheskro rhapen hi kolenge, kay djivenna pal o Debleskro lab oun hayvenn boud oun boudeder, hoy lačo oun čilačo hi.

2. Johanni 1:10

Te vell yek pash t'mende, oun penell t'menge vavar koova har kova, hoy o Yezous Kristo menge penas, koles lenn gar an t'maro kheer! Parkrenn les vitar gar!