Remarja 13:4 - O Debleskro Lab 2024 (Sinte-Manouche)

⁴ O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

O Debleskro Drom 2021 (Sinte)

⁴ O Dewel das len pengri budi, te djal tuke latches. Tu te kre tchilatcho koowa, palle hunte daress tu lendar. Hi gar tchitcheske, te well len i soor, te denn le i phagi. O Dewel das len koi budi, te denn le kolen i phagi, kai kran i tchilatcho koowa.

Remarja 13:4 Iomraidhean Croise

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

2. Familjakro liil 19:6

oun penas ap lende: Denn garda, har rakrenn o čačepen vin pral i menshende! T'mer rakrenn an o lab o baro Deblestar oun gar an o lab i menshendar. Oun yob hi t'mentsa, te rakrenn čačepaskre laba vin.

Gosewe laba 16:14

I baro ray, kay rhoyrell pes, nay bičrell yekes an o merepen. Oun i gosevo morsh krell lauter, te bistrell yob peskri rholi.

Gosewe laba 20:2

I baro ray, te dell lo trad, palle hi kova, har te dell i levo gole. Kova, kay leskri rholi ap peste tserdell, nashrell peskro djipen.

Gosewe laba 20:26

I baro ray, kay gosevo hi, hatsell i čilačen dran peskre menshende vin, oun les hi kek dji lenge oun dell len pengri phagi.

Gosewe laba 20:8

I baro ray, kay o čačepen vin rakrella pral i menshende, hatsell kolen vin, kay čilačo hi.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Ezekiel 25:14

Mire menshe Israel hi kolla, kay denn i Edomaryen pengri phagi. I Israelitaryen moukau lentsa yaake trouyel te djal, te vell miri bari zoreli rholi ap lende. Oun i Edomarya dikenn oun hayvenn, kay me kova hom, kay anell lengro čilačepen pale ap lengre sherya. Kova penell o baro Devel, maro ray.

Micha 3:9

Yaake shounenn kova, t'mer pralstoune an o kheer Yakob, oun t'mer raya an o kheer Israel! T'mer, kay stakrenn t'mare pirentsa ap o čačepen trouyel, oun penenn foun kova, hoy čačo hi: Kova hi rhorhepen.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Remarja 13:6

Dran kova denn t'mer ninna kol themeskre love, hoy o themeskre pralstoune t'mendar kamenna. Te mangenn le kol love t'mendar, krenn le koy boudi, hoy o Devel len das.

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

Josua 20:5

Oun te lell les kova palla, kay kamell les moulo te dell, palle denn kol morsha dran ko foro koles, kay yekes temerl das, gar vin an koleskro vast. Ninna te das yob yekes moulo, kamas lo kova gar, oun his gar rhoyedo ap leste.

Josua 20:9

Kolla his kol naashepangre forya, kay nay nashenn i tsele Israelitarya oun ninna i vi-themarya, kay pash lende djivenn. Kote nay nashas hakeno, kay das yekes moulo, oun kamas kova gar, te vell lo gar kolestar temerl dino, kay leskro rat kamell. Kote nay ačell lo, bis te yob glan i tsillo tardo his, kay o čačepen pral leste vin kerdo vell.

1. Petro 2:14

Shounenn ninna ap i moskre! Kolen das o themeskro ray i boudi, te denn le kolen i phagi, kay kran čilačo koova, oun te sharenn le kolen, kay krenn lačo koova.