Remarja 13:13 - O Debleskro Lab 2024 (Sinte-Manouche)

¹³ Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

O Debleskro Drom 2021 (Sinte)

¹³ Djiwas jaake djudjo, har djiwenn i menshe ap o diwes. Te djas gar kote, kai chan le pen nasselo un pijenn pen mato! Te kras gar wi-ladjedo koowa! Te tchingras gar, un dikas gar tchilatche jakentsa ap kowa, hoi o wawares hi!

Remarja 13:13 Iomraidhean Croise

Gosewe laba 23:20

Ma ab mank kolende, kay pen mates piyenn, vitar gar mank kolende, kay boudeder mass an pende dren rhan har mishto hi.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Louka 16:19

Oun o Yezous penas pale: Koy his i bravelo morsh. Kova his hako tsiro shoukar oun rayles rido, oun djivas i shoukar djipen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Bičepangre 2:15

Kol morsha hi gar mato, har t'mer penenna. Hi enyenge taysarlake.

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

Galatarja 5:19

T'mer lauter djinenna, har kol menshe djivenna, kay krenn ko čilačepen, hoy an lende hi: I morsha sovenn vavar djouvyentsa. Oun i djouvya sovenn vavar morshentsa. I menshe krenn djoungelo koova oun vi-ladjedo koova.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Efesarja 5:15

Denn yak koy pre, har t'mer t'maro djipen djivenna! Ma djivenn har dinele menshe! Djivenn har kolla, kay djinenna, hoy mishto hi!

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

1. Tessalonikarja 4:12

Palle hounte lenn t'mer či kolendar, kay hi gar patslo. Oun yon rakrenn nay gar čilačes pral t'mende.

1. Tessalonikarja 5:17

Mangenn o Debles hako tsiro!

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.

1. Johanni 2:6

Koon penella, te ačell lo o Debleha khetne, kova hounte djivella yaake, har o Yezous Kristo djivas.

2. Johanni 1:4

Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.

Judas 1:23

Vavar nashran pen. Kolen anenn ap o čačo drom! Kova hi yaake har te tserdans len dran i yag vin. Vavar djivenn i djoungelo djipen. Rakrenn ninna kolenge lačes an o dji! Oun denn garda, te krenn gar kova, hoy yon krenna. Lengro djipen hi har i čiklo ripen ap lende.