Remarja 12:3 - O Debleskro Lab 2024 (Sinte-Manouche)

³ O Devel his lačo ap mande, oun das man miri boudi, te penap leskro lab. Doleske penau hakeneske t'mendar: Kek te hadell pes pral o vavareste oun rikrell pes bareder oun feteder! Hakeno las peskro patsepen o Deblestar. Doleske hounte vell lo gosevo, te dikell lo oun te hayvell lo, hoy les o Deblestar dino vas.

O Debleskro Drom 2021 (Sinte)

³ O Dewel his latcho ap mande, un das man miri budi, te penap leskro lab. Doleske penau hakeneske tumendar: Kek te hadell pes pral o wawareste un rikrell pes bareder un feteder! Hakeno las peskro patsepen o Deblestar. Doleske hunte well lo gosewo, te dikell lo un te haiwell lo, hoi les o Deblestar dino was.

Remarja 12:3 Iomraidhean Croise

Gosewe laba 25:27

Boud gvin hi gar mishto. Yaake hi ninna, te shareh tou i vavares boud shoukar labentsa.

Gosewe laba 26:12

I dinelo nay vell sikeder gosevo har yek, kay pestar kokres patsell, te hi lo gosevo.

Sikepaskro 7:16

Ma rike o čačepen zorleder dren har činlo hi! Oun ma kre tout gosveder har hal! Hoske kameh tout paash te krell?

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Louka 18:11

Ko Farisari čivas pes tardo oun penas: Mo Devel, me parkrau man pash toute, te hom gar yaake har kal vavar menshe: čorepangre, rhorhene, oun har kolla, kay rhorhenn pengri romyat i vavar djouvyah, oun gar yaake har kova, kay koy vergel tardo hi: Ko pale-čiddo.

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Remarja 11:20

Kova hi čačo. I bibolde patsan gar o Debles. Yaake hi le har kol kashta, hoy van tele činlo. T'mer han har vavar kashta, hoy van dren čiddo ap ko roukeste kokres dran t'maro patsepen. Doleske ma krenn t'men bares! Denn yak!

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Remarja 12:16

Avenn t'men yek dji oun yek djipen! Ma krenn t'men bares! Avenn i mala kolendar, ap kolende i vavar tele dikenna! Ma penenn, te han kokres gosevo!

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.

1. Korintarja 7:17

Kova, hoy t'menge kanna penau, penau me i tsele patslenge, kote, kay yon khetne venna. Mer lauter hounte djivas maro djipen ap koy platsa, kay maro ray Yezous men čivas, oun hounte ačas koy pashel, hoy mer hams, har o Devel men gole das:

2. Korintarja 10:13

Mer kamah men gar yaake boud sharell. Kokres pral koy boudi, hoy das men o Devel, sharah mer men. Oun mari boudi anas men pash t'mende.

2. Korintarja 12:13

Me krom t'menge yaake boud, har krom ninna i vavar patslenge, kay an vavar forya khetne venna. Yek koova hi vavarčandes: T'mendar lom kek love. Te his kova i doosh, mangau t'mendar, bistrenn koy doosh!

2. Korintarja 12:7

O Devel kamella, te vap gar pre-phourdo pral ko baro bolepaskro koova, hoy moukas lo man te dikell. Doleske moukas o Devel čomone ap mande te vell, hoy doukrell man har i soubyengro kasht an miro mass. Kova hi har te dals man i bengeskro kourepaskro dava, te vap gar pre-phourdo.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.

Efesarja 3:4

Te draverenn t'mer miro liil, palle hayvenn, kay prindjrau kova, hoy o Yezous Kristo menge kras.

Efesarja 4:16

Yob rikrell len khetne yaake, te vell yek patslo i vavareha khetne anlo. Oun yek patslo hidjrell o vavares yaake, har les i zoor hi. Mer te ham yaake kamlo, ko yek ap o vavareste, palle vell o Debleskri familya baro oun zorelo.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Kolossarja 1:29

Dran kova boudrau i tseli zoryah, hoy o Yezous Kristo an mande das.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

1. Timoteo 1:14

Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

1. Timoteo 2:15

I djouvel vell sharedo, te lell li čaven, oun te patsell li ap o Yezouseste, oun te hi lat o Debleskro kamlepen an lakro dji, oun te djivell li i djoudjo djipen glan o Debleste oun glan i menshende.

1. Timoteo 2:9

Ninna kamau, te rivell i djouvel kek vi-ladjede ripya. Te rivell li pes gar yaake, te dikell hakeno ap late. Lakro shoukapen te vell gar diklo an kova, har yoy peskre balla hidjrella, vitar gar an o sonakay oun vavar kouč koova, vitar gar an kouč ripya.

Tito 2:12

An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Tito 2:2

Pen i phoure morshenge, te penenn le kek dinelo koova, te djivenn le lačes glan i menshende, te denn le yak, hoy yon rakrenna, te ačenn le an o čačo patsepen, te kamenn le i menshen o tselo djiyestar, oun te venn le gar khino an o patsepen!

Tito 2:4

I terne djouvyenge hounte penenn le, te kamell hakeni peskro romes oun pengre čaven o djiyestar,

Tito 2:6

Pen i terne morshenge zoreles, te denn le yak, hoy yon rakrenna oun krenna!

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

3. Johanni 1:9

Me činom i tikno liil ap i patslende, kay kote khetne venna, kay hal. Yek lendar hi o Diotrefes. Kova kamell o pralstouno mashkral lende te vell, oun shounell gar ap mande.