Remarja 12:11 - O Debleskro Lab 2024 (Sinte-Manouche)

¹¹ Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

O Debleskro Drom 2021 (Sinte)

¹¹ Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

Remarja 12:11 Iomraidhean Croise

2. Mose 5:17

O Farao penas: “T'mer kamenn gar te boudrell. Yaake hi kova! Doleske penan: Mer kamah te djal, te maras firhen o baro Debleske.

Gosewe laba 10:26

Har shout i dandenge, oun yagakro dourho i yakenge, yaake hi o či-moldo, kay kamell gar te boudrell, kolenge, kay les ap i boudi bičran.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 18:9

I či-moldo, kay kamell gar te boudrell, hi gar feteder har kova, kay marepen oun merepen anell.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Gosewe laba 31:15

Yoy stell pre, kote hi gomme rati, oun krell o rhapen peskro khereske, oun penell i djouvyenge, kay lake boudrenn, hoy te krenn le.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Jesaja 56:10

Kol morsha, kay hounte yak denn ap mire menshende, hi korelo, oun yon halauter hayvenn či, oun hi har djoukle, kay kek gole denn. Yon hi koy čiddo oun dikenn souni, oun kamenn te sovell.

Mateo 24:12

O čilačepen vell yaake baro ap i phoub, te denn boud patsle pengro kamlepen i vavarenge pre.

Mateo 25:26

Penas peskro ray ap leste: I čilačo boudepaskro hal tou. Tou kral tiri boudi gar mishto. Tou djinal, te lap mange o djob, hoy me gar an i phoub čivom, oun lap mange kote khetne, kay boudrom gar.

Bičepangre 18:25

Yob djinas ninna čomone pral o Yezouseskro drom. Oun peskro tselo djiyeha rakras lo lestar. Oun lauter, hoy yob pral leste penas, his čačo. Pral o Debleskro thopen djinas yob kokres, har o Yohanni i menshen taufras.

Bičepangre 20:19

Me krom man gar bareder har me hom. Me hom o ray Yezouseske koy. His mange yek, te djal mange djoungeles. I bibolde lan man palla, oun boud kope his mange ropaske.

1. Korintarja 7:22

Koon i pandlo boudepaskro his ap ko tsiro, har o Yezous Kristo les gole das, kova hi glan leste bouder kek pandlo boudepaskro. Oun koon kek pandlo boudepaskro his ap ko tsiro, har o Yezous Kristo les gole das, kova hi kanna o Yezous Kristeskro boudepaskro.

Efesarja 4:28

Koon čoras an peskro phouro djipen, kova čorell bouder gar! Yob hounte boudrell peskre vastentsa, te vell les doha djipaske, oun te nay dell lo ninna i čorvelen čomone.

Kolossarja 4:1

T'mer kay han raya, ap t'mende penau: Avenn čačes ap t'mare boudepangre oun djan lentsa mishto trouyel! Ma bistrenn, kay hi t'men ninna i ray an o bolepen!

1. Timoteo 5:13

Kal terne djouvya kamenn bouder gar te boudrell, oun yon djan dran yek kheer an o vavar, oun čamrenn boud. Yon kamenn lauter feteder te djinell, oun rakrenn yaake, hoy gar mishto hi.

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

Debleskro tsiro 2:4

Yek koova hi pash t'mende, hoy hi gar mishto: T'mer kamenn man bouder gar o tselo djiyestar, yaake har kova his ap ko tsiro, har t'mer patslo van. T'maro dji moukas man.