Remarja 11:2 - O Debleskro Lab 2024 (Sinte-Manouche)

² Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

O Debleskro Drom 2021 (Sinte)

² Glan rah tsiro rodas o Dewel i Israelitarjen win, te wenn le leskre menshe. Doleske tchiwell lo len gar infam. Djinenn tumer gar, hoi an o Debleskro lab pral o Elija tchinlo was? Job was glan o Debleste, un rakras leha pral o tchilatchepen, hoi i Israelitarja kran.

Remarja 11:2 Iomraidhean Croise

1. Mose 44:15

Oun o Yosef penas ap lende: “Havo čilačo koova kran t'mer? Djinenn gar, kay i rom har man, dourkrell nay?”

Nehemia 9:30

Oun tout his yaake boud lačepen lenge kol tsele bersha. Oun dal len trad kol labentsa, hoy tire rakepangre lenge penan, kay an lende tiro dourho hi. Yon shounan gar koy pre. Kote dal len tou an o vast kol menshendar dran vavar themma.

Debleskri gili 94:14

O baro Devel čivell peskre menshen gar pale, oun moukell gar len kokres.

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

Jeremia 31:37

O baro Devel penell: Yaake har penell nay kek, har baro o bolepen hi, oun kek nay penell, hoy an i telstouni phoub hi, yaake nay vitsrau me gar i Israelitaryen mandar koleske lautereske, hoy yon kran.

4. Mose 16:15

Koy vas o Mose rhoyedo, oun penas ap o baro Debleste: “Ma dik lačes ap kova, hoy yon tout denna! Me lom gar i bourika lendar, oun krom len kek čilačepen.”

Markus 12:26

Djinenn t'mer gar, har an o Moseskro liil tardo hi, te venn i moule pale djido. O Devel penas ap o Moseste, har his yob tardo pash o bour, hoy rhačas: Me hom o Abrahameskro Devel oun o Isaakeskro Devel oun o Yakobeskro Devel.

Louka 4:1

Oun o Yezous his pherdo Debleskro Dourho. Oun yob moukas o them pash o pani Yordan. Oun o Debleskro Dourho anas les an o moulo them.

Johanni 4:11

“Romeha,” penas koy djouvel, “tout hi či, kay leh ko pani nay vin. Oun ko pani hi tel an i phoub. Kay kameh tou ko pani, hoy dell o djipen, te lell?

Bičepangre 13:48

Har kolla, kay hi kek bibolde, kova shounan, van le barhtelo, oun sharan o Debleskro lab. Oun lauter kolla van patslo, kay o Deblestar vin rodedo van, te lenn yon ko djipen, hoy gar pre-herella.

Bičepangre 15:18

O Devel krell kova kanna, hoy yob glan i rah tsiro penas.”

Bičepangre 3:17

Me djinau, mire phrala, kay t'mer djinan gar, hoy t'mer koy kran o Yezouseha. Oun t'mare pralstoune djinan kova vitar gar.

Bičepangre 7:40

Ap o Aron penan le: Kre menge i devel, kay dell garda ap mende oun sikrell mende o drom! Mer djinah gar, hoy djas o Moseske, kay anas men dran o them Egiptia vin.

Remarja 6:16

T'mer djinenna: Koon t'maro ray hi, ap koleste hounte shounenn. Koleskre boudepangre han t'mer. Te shounenn t'mer ap o čilačepen, palle hi o čilačepen o ray pral t'mende, oun t'mer merenna. Te shounenn t'mer ap o Debleste, palle krell lo t'men čačo.

Remarja 9:23

Kova kras lo, te sikrell lo peskro baro raylepen ap kolende, kay lan leskro kamlepen. Kolen rodas lo vin, te djivenn le leha khetne an leskro raylepen.

Remarja 9:6

Kanna penau kate gar, te hi o Debleskro lab bouder či moldo, hoy yob ap i Israelitarya penas. Na-a! Hoy kamau te penell, hi kova: I tsele Israelitarya hi gar lauter o Debleskre menshe.

1. Korintarja 6:2

Vell yek tsiro, koy rakrenn i patsle o čačepen vin pral i tsele menshende ap kay phoub. Djinenn t'mer kova gar? T'mer te krenn o čačepen vin pral kol tsele menshende ap kay phoub, hoske nay rakrenn t'mer kanna gar o čačepen vin pral kol phralende, kay i tikno djoungelo koova kran?

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

Filiparja 1:22

Me te ačau djido, nay sikrau boudeder menshende o Yezouseskro drom. Doleske djinau gar, hoy boudeder moldo hi.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!