Remarja 11:18 - O Debleskro Lab 2024 (Sinte-Manouche)

¹⁸ Dran kova penau t'menge: Ma sharenn t'men pral kol kashta, hoy tele činlo van. T'mer hidjrenn gar o djeteskro rouk. Na-a. O djeteskro rouk hidjrell t'men.

O Debleskro Drom 2021 (Sinte)

¹⁸ Dran kowa penau tumenge: Ma sharenn tumen pral kol kashta, hoi tele tchinlo wan. Tumer hidjrenn gar o djeteskro ruk. Na-a. O djeteskro ruk hidjrell tumen.

Remarja 11:18 Iomraidhean Croise

1. Rajengro liil 20:11

Kote penas o baro ray Ahab: “Penenn leske: Kova, kay pandell o rharo troul peste, te djal lo an o kourepen, hounte krell kek baro rakepen. Kova, kay vell pale dran o kourepen nay krell pes bares.”

Gosewe laba 16:18

Koon pes bares krell, vell phagedo. Oun i pre-phourdo mensho perell.

Mateo 26:33

Koy penas o Petro ap leste: “Ninna te nashenn halauter toutar krik, me moukau tout gar.”

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Johanni 4:22

T'mer djinenn gar, kones t'mer an-mangenna. Mer djinah, kones mer an-mangah. I biboldendar vella kova, kay lell i menshen dran o čilačepen oun o merepen vin.

Bičepangre 25:7

Har o Paulo glan leste vas, his troul leste kol tsele bibolde tardo, kay dran o foro Yerusalem van. Kolla anan boud čilačo koova glan, hoy yob krals. Oun kek nay penas, kay o Paulo kova čačepah kras.

Remarja 11:20

Kova hi čačo. I bibolde patsan gar o Debles. Yaake hi le har kol kashta, hoy van tele činlo. T'mer han har vavar kashta, hoy van dren čiddo ap ko roukeste kokres dran t'maro patsepen. Doleske ma krenn t'men bares! Denn yak!

Remarja 3:27

Koon nay sharell pes kanna? Kova, kay rikras pes ap kol laba, hoy penenna, har te djivas mer? Na-a, les hi či, te sharell lo pes. Kova hi čačo glan o Debleste, kay ap o Yezous Kristeste patsella.

Remarja 4:16

Doleske krell o Devel kolen čačo, kay ap leste patsenna. Leskro čačepen dell o Devel čičeske lauterenge, kay ap leste patsenna. Yaake ačell ko lab, hoy yob o Abrahameste das, lauterenge, kay venna pal o Abrahameste, i biboldenge har kolenge, kay djivenn dran o patsepen har o Abraham. Kova hi o dad mendar lauterendar.

1. Korintarja 10:12

Doleske, koon penella, kay yob zoreles an o patsepen hi, dell yak, te perell lo gar.

Galatarja 3:29

Te djan t'mer o Yezous Kristeha, han t'mer ninna o Abrahameskre čave. Oun t'mer lenn kova, hoy o Devel o Abrahameskre čavende della, yaake har penas lo.