Remarja 11:11 - O Debleskro Lab 2024 (Sinte-Manouche)

¹¹ Me poučau t'mendar kanna: Peran yon o Debleskro dromestar tele, te nay stenn le bouder gar pre? Na-a. Kova hi gar yaake. Har peran yon o Debleskro dromestar tele, vas o Debleskri barht pash kolende, kay hi kek bibolde, yaake te zilverenn i bibolde ap kolende.

O Debleskro Drom 2021 (Sinte)

¹¹ Me putchau tumendar kanna: Peran jon o Debleskro dromestar tele, te nai stenn le buder gar pre? Na-a. Kowa hi gar jaake. Har peran jon o Debleskro dromestar tele, was o Debleskri bacht pash kolende, kai hi kek bibolde, jaake te silwerenn i bibolde ap kolende.

Remarja 11:11 Iomraidhean Croise

Ezekiel 18:23

Patsenn t'mer, an mire yaka vals mishto, te merell kova, kay čilačo koova kras? poučell o baro Devel, maro ray. Na-a, an mire yaka hi shoukar, te moukell lo peskro čilačo drom oun ačell djido.

Ezekiel 18:32

Mange hi gar shoukar, te hounte merell yek, penell o baro Devel, maro ray. Doleske moukenn t'mare čilače dromma, oun djivenn!

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Louka 20:16

Yob vella, oun marell kol harhen, oun dell ko drakengro them i vavaren.” Har kolla kova shounan, kay troul o Yezouseste tardo his, penan le: “Kova vella gar yaake!”

Bičepangre 13:42

Har o Paulo oun o Barnabas dran i biboldengri kangri vin djan, mangan i menshe lendar oun penan: “Avenn pale ap o vavar Debleskro dives, oun penenn menge o Debleskro lab!”

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Remarja 10:19

Poučau t'mendar: I Israelitarya, hayvan le ko lab gar? Ava! Yon hayvan ko lab. O Mose penell menge, hoy o Devel penas: Me krau, te zilverenn t'mer ap kolende, kay hi gar mire menshe. Oun t'mer venn rhoyedo pral kolende, kay či mandar djinenna.

Remarja 11:1

Me poučau t'mendar kanna: Čivas o Devel kol menshen infam, kay yob peske vin rodas? Na-a! Kova hi gar yaake. Me hom ninna i Israelitari, i čavo o Abrahamestar, oun mire menshe hi Benyaminarya.

Remarja 11:12

Har i bibolde peran o Debleskro dromestar tele, vas o Debleskri barht pash i tsele menshende ap i phoub. Oun kova, hoy i biboldenge gar mishto hi, vas i barht kolenge, kay kek bibolde hi. Te hi kova yaake, har boud bareder hi koy barht, te venn i tsele bibolde pale ap o Debleskro drom!

Remarja 11:14

Me kamaus, te zilverenn mire menshe ap t'mende, te anap nay kolendar ninna ap o Yezouseskro drom.

Remarja 11:31

Kanna shounenn i bibolde gar ap o Debleste. Oun yaake, har o Debleskro kamlepen ap t'mende vas, yaake vell o Debleskro kamlepen ninna ap lende.