Remarja 1:3 - O Debleskro Lab 2024 (Sinte-Manouche)

^3-4 Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.

O Debleskro Drom 2021 (Sinte)

^3-4 Ko drom hi o Debleskro tchawo. Kowa was i mensho un was o Davideskre menshendar. Job was ninna o Deblestar. O Dewel sikras i bari sorjah, te hi lo leskro tchawo, har kras lo les i mulendar djido. Kowa hi o Jesus Kristo, maro rai.

Remarja 1:3 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Debleskri gili 2:7

Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

Jeremia 33:26

yaake čivau me gar mire menshen pale, kay venna pal o David, kova, kay mange koy his, oun pal o Yakobeskre vavar čavende. Dran o Davideskro kheer lau yekes, kay vell o baro ray pral i menshende, kay venna pal o Abraham, o Isaak oun o Yakob. Me krau te vell mire menshenge halauter pale mishto. Oun me krau miro dji lenge pre.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Mateo 1:1

Kava hi o liil, hoy sikrella, koon o Yezous Kristeskre phoure his. Mank lende his o David oun o Abraham.

Mateo 1:16

Koleskro čavo his o Yosef. Koleskri romni his i Maria. Lakro čavo hi o Yezous. Kova kharella Kristo.

Mateo 1:6

Koleskro čavo his o David, ko baro ray. Koleskro čavo his o Salomo. Koleskri day his i romni foun o Uriya.

Mateo 12:23

Oun i tsele menshe, kay troul leste tardo his, kran bare yaka. Oun yon penan: “Hi kava nay o Davideskro čavo?”

Mateo 15:22

Kote djivas i djouvel, kay kek biboldetsa hi. Yoy hi i Kanaanitetsa. Kaya vas pash leste, oun das ap leste gole: “Mo ray, tou Davideskro čavo, kre tiro dji mange pre! I beng hi an miri čate. Oun kova marell lat khetne.”

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

Mateo 9:27

Oun o Yezous djas doureder. Oun douy korele morsha djan leske palla. Kolla dan gole: “Davideskro čavo, kre men sasto!”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 1:69

Yob bičras menge yek zoreles, te lell yob men dran o čilačepen vin. Oun kava vella o Davideskre menshendar.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:34

Me dikom kova halauter. Doleske nay penau me ninna: Kava morsh hi o Debleskro čavo.”

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Johanni 10:30

Me oun o dad ham yek.”

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Johanni 20:28

Koy penas o Thomas ap leste: “Miro ray oun miro Devel!”

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Johanni 7:42

O Debleskro lab penella, ko baro ray, kay vell o Deblestar, kova hi o Davideskre menshendar, oun vell an o foro Betlehem boldo har o David.”

Bičepangre 2:30

O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 8:36

Koy van le pash o pani, oun ko pralstouno penas: “Koy hi pani. Hi mange čomone an o drom čiddo, te moukap man te taufrell?”

Bičepangre 9:20

oun rakras an i biboldengre kangria, oun sikras len, kay o Yezous o Debleskro čavo hi.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 4:1

Kova hi yaake har pash maro phouro dadeste, o Abrahameste, kolestar i bibolde venna. Har vas lo čačo glan o Debleskre yaka?

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

1. Korintarja 1:9

Kova, hoy o Devel penella, kova rikrell yob ninna. O Devel das t'men gole, te venn hako tsiro peskro Čaveha, o Yezous Kristeha, khetne. Oun kova hi maro ray.

1. Korintarja 10:18

Kova hi yaake, har pash i menshende an Israel. Yon van khetne oun rhan kol firhendar, kay anan le o Debleske. Lauter kolla, kay rhan, his khetne. Oun o Devel his mank lende.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

2. Timoteo 2:8

Rike an tiro shero o Yezous Kristes! Koles las o Devel dran i moulende vin, oun kras les djido. Yob his o Davideskre menshendar. Yaake penau kova i menshenge.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

1. Johanni 4:15

Koon glan i menshende penella, kay o Yezous o Debleskro čavo hi, koleha ačell o Devel, oun yob ačell o Debleha.

1. Johanni 5:1

Kolla, kay patsenna, kay o Yezous o baro ray hi, kolestar o Devel penas, te vell yob, kolla hi o Debleskre čave. Oun hakeno, kay kamell o dades, kova kamell ninna leskre čaven.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Johanni 5:5

Ava, kova, kay patsella, kay o Yezous o Debleskro čavo hi, koles hi i zoor pral o čilačo koova, hoy i menshe krenna.

2. Johanni 1:7

Boud rhorhene sikepangre nashenn ap i phoub trouyel, kay kamenn i patslen o čačo dromestar tele te anell. Yon penenna, kay vas o Yezous Kristo gar i mensho dran mass oun rat. Kol sikepangre venna gar o Deblestar. Yaake har yon rakrenna, yaake rakrell ninna ko rhorheno, kay hadell pes pral o Yezous Kristeste.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.