Remarja 1:13 - O Debleskro Lab 2024 (Sinte-Manouche)

¹³ Mire phrala, t'mer hounte djinenn, boud kope kamom pash t'mende te vell, oun nay vom gar. Me kamoms ninna an t'maro foro menshen ap o Yezouseskro drom te anell, yaake har me kova ninna krom an i vavar themma.

O Debleskro Drom 2021 (Sinte)

¹³ Mire phrala, tumer hunte djinenn, bud kope kamom pash tumende te well, un nai wom gar. Me kamoms ninna an tumaro foro menshen ap o Jesuseskro drom te anell, jaake har me kowa ninna krom an i wawar themma.

Remarja 1:13 Iomraidhean Croise

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Johanni 12:24

Čačepah, me penau t'menge: Te vell o djob gar an i phoub oun merell tele, anell lo nay kek nevo djob. Te merell lo tele, anell yob boud nevo djob.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 4:36

Kanna anenn i boudepangre kolen khetne, kay lenn o djipen, hoy gar pre-herella. Oun lengri boudi vell playsedo. Yaake hi hake douy barhtelo: Kova, kay o tikno djob an i phoub vitsras, oun kova, kay anell o djob dren.

Bičepangre 1:15

An kolla divessa van boud patsle khetne, sheel-te-biish menshe. Mashkral lende stas o Petro pre oun penas:

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Bičepangre 19:21

Pal kava koova kamas o Paulo pral i themma Macedonia oun Akaya an o foro Yerusalem te djal, oun penas: “Oun pal kova hounte dikap me o foro Rom ninna.”

Bičepangre 21:19

O Paulo penas lenge “Lačo Dives!” Oun palle penas lo lenge halauter, yek pal o vavar, hoy o Devel leha mashkral kol menshende kras, kay kek bibolde hi.

Bičepangre 28:14

Kote hatsam patslen. Kolla mangan mendar, te ačas efta divessa pash lende. Palle djam doureder an o foro Rom.

Remarja 1:12

Te dikah o patsepen, hoy an o vavareste hi, vah mer khetne zoreles an maro patsepen.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Remarja 7:1

Mire phrala, t'mer prindjrenn o Moseskre laba. T'mer djinenn, i mensho hi pandlo ap kol laba yaake rah, har yob djivella.

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

1. Korintarja 10:1

Mire phrala, ma bistrenn, har djas mare phourenge, har djan yon an o moulo them. I folka djas glan lende lauterende oun sikras lende, kay o Devel pash lende his. Oun yon halauter djan o Moseste palla mashkral o baro pani ap i vavar rig. Mer nay penams: Har van yon an i folka oun an o baro pani, van le ap o Moseskro lab taufedo.

1. Korintarja 12:1

Mire phrala, kanna kamau me pral kova te rakrell, hoy o Debleskro Dourho an t'mende čivas.

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

1. Korintarja 14:26

Mire phrala, hi yaake: Te venn t'mer khetne, sharell ko yek o Debles i gilyah. I vavar sikrell, har te djan ap o Debleskro drom. Ninna i vavar penell, hoy o Devel les sikras. Pale i vavar rakrell an i rakepen, hoy o Debleskro Dourho les das. Oun i vavar nay penell, hoy koy rakedo vas. Lauter kova krenn, te venn i patsle zoreles an o patsepen!

1. Korintarja 9:2

Vavar penenna, te hom me gar o Yezousestar bičedo. T'mer djinenna, kay man o Yezous Kristo bičras. Oun har me ap t'mende lestar rakrom, van t'mer patslo.

2. Korintarja 1:8

Mire phrala, t'mer hounte djinenn, har hams an o them Asia, his maro djipen yaake pharo, te his men bouder kek zoor oun patsam, mer hounte meras.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

Galatarja 3:15

Mire phrala, kanna rakrau pral čomone, hoy t'mer lauter prindjrenna. Te krenn douy menshe čomone vin oun denn pengro dadeskro vast koy pre, nay penell kek: Kanna hi kova bouder či moldo. Vitar gar nay čivell yek čomone koy pashel.

Galatarja 6:18

Mire phrala, mangau maro rayestar, o Yezous Kristestar, te vell lo t'menge lačo. Amen.

Filiparja 1:22

Me te ačau djido, nay sikrau boudeder menshende o Yezouseskro drom. Doleske djinau gar, hoy boudeder moldo hi.

Filiparja 4:17

Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Kolossarja 1:6

Kava lačo lab vas gar t'menge kokres penlo. Na-a, kava lab vell ap i tseli phoub penlo. Oun boud oun boudeder menshe venna patsle. Yaake hi ninna pash t'mende: T'mer shounan ko lačo lab, oun hayvan čačepah, kay hi o Devel lačes ap t'mende.

1. Tessalonikarja 2:18

Me, o Paulo, kamom boudeder kope pash t'mende te vell. Oun o beng vas hako kopo koy mashkral.

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

2. Tessalonikarja 2:7

Ninna te dikah les gomme gar, vell o čilačepen bareder. Kanna rikrell yek o čilačepen pale. Te vell yob krik lino,

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.