Remarja 1:1 - O Debleskro Lab 2024 (Sinte-Manouche)

¹ Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

O Debleskro Drom 2021 (Sinte)

¹ Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

Remarja 1:1 Iomraidhean Croise

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Markus 1:14

Har o Yohanni stildo vas, djas o Yezous an o them Galilea, oun sikras i menshende o Debleskro drom.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Bičepangre 13:9

O Saulo, kay kharell ninna Paulo, pherdo Debleskro Dourho, dikas ap leste,

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 21:40

Oun o pralstouno lourdo penas ap o Pauleste: “Palle rake!” O Paulo his tardo pral glan o kheer oun hadas peskro vast, te venn le pokones. Har yon bouder gar gole dan, rakras yob lentsa ap hebretikes.

Bičepangre 22:21

O ray Yezous penas ap mande: Dja dran o foro Yerusalem vin! Me bičrau tout an i vavar themma pash kolende, kay kek bibolde hi.

Bičepangre 22:7

Me perom ap i phoub, oun shounom, har yek ap mande penas: Saulo, Saulo, hoske leh tou man palla?

Bičepangre 26:1

O Agrippa penas ap o Pauleste: “Tou nay rakreh kanna touke.” Koy hadas o Paulo o vast, oun penas:

Bičepangre 26:14

Oun mer lauter peram ap i phoub. Oun me shounom yekes, kay penas ap hebretikes ap mande: Saulo, Saulo, hoske leh tou man palla? Tiro kourepen hi čičeske. Me hom zorleder har tou.

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 11:13

T'mer han kek bibolde. Oun t'menge penau me: Man hi o Yezouseskro vast. Yob bičras man pash t'mende. Oun me parkrau man pash leste, te nay sikrap t'mende leskro drom.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Remarja 15:29

Oun me djinau, te vau pash t'mende, anau t'menge i tseli barht, hoy vella o Yezous Kristestar.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Korintarja 1:1

Kava liil činau me, o Paulo. O Yezous Kristo rodas man vin, te vap leskro bičepaskro. Kova kamas o Devel yaake. Oun me oun maro phraal Sostenes činah kava liil

1. Korintarja 9:1

Dikenn ap mande, har me hom! Me nay kroms, hoy me kamau, oun me krau les gar. Hom me gar o Yezouseskro bičepaskro? Ava, me hom o Yezouseskro bičepaskro. Me dikom o Yezouses, maro rayes. T'mer djinenna, koon t'men ap o Debleskro drom anas. Kova homs me.

2. Korintarja 1:1

Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

2. Korintarja 11:5

Me djinau, me molau ninna yaake boud har kol bare rakepangre pash t'mende, kay penenn, te hi le bičedo o Yezous Kristestar.

2. Korintarja 11:7

Krom me man baro, har lom kek love t'mendar, har penom t'menge o Debleskro lačo lab? Lom me doleske i doosh ap mande? Na-a, me krom t'men baro.

2. Korintarja 12:11

T'mer kran, te rakrom har i dinelo. Me hounte sharoms man gar. Na-a, t'mer hounte sharans man. Ninna te voms me či, voms me yaake boud moldo har kol bare rakepangre pash t'mende, kay penenn, te hi le bičedo o Yezous Kristestar.

2. Korintarja 2:12

Har vom me an o foro Troas, te penap kote o lačo lab o Yezous Kristestar, kras o Devel i menshengre djia pre.

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.

Efesarja 1:1

Kava liil činau me, o Paulo. O Yezous Kristo bičras man, te penap i menshenge leskro lab. Yaake kamell kova o Devel. Me činau kava liil ap kolende, kolen o Devel vin gole das an o foro Efesus, oun kay patsenn ap o Yezous Kristeste.

Efesarja 1:13

T'mer ninna shounan o čačepen. Oun t'men vas ko drom siklo, hoy anas t'men pash o Debleste. Ko drom hi o Yezous Kristo. Har t'mer ap leste patslo van, das lo t'men o Debleskro Dourho an t'mare djia. Glan i rah tsiro penas o Devel, te dell lo les peskre čavende. Yaake sikrell lo, koon leskre čave hi.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 2:11

Oun lauter hounte penenna: “O Yezous Kristo hi o ray pral lauter!” Oun yaake sharenn le o Debles, maro dades an o bolepen.

Kolossarja 1:1

Me, o Paulo, činau kava liil khetne maro phraleha, o Timoteo. O Yezous Kristo bičras man, te penap i menshenge leskro lab. Yaake kamell kova o Devel. Mer činah kava liil ap o Debleskre čavende an o foro Kolossa. T'mer han mare phrala oun phenya an o patsepen ap o Yezous Kristeste. Lačepen oun barht t'menge! Kova dell t'men o Devel, maro dad, an o dji!

Kolossarja 1:25

Lengro boudepaskro vom me. O Devel das man koy boudi, te penap t'menge o tselo Debleskro lab.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

1. Tessalonikarja 2:8

T'mer hans an mare djia, oun doleske sikram t'mende gar kokres o Debleskro drom, na-a, mer djivam ninna t'mentsa khetne; yaake baro his maro kamlepen t'menge.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Timoteo 1:1

Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

1. Timoteo 2:7

Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.

2. Timoteo 1:11

O Devel bičras man, te penap o lačo lab o Yezous Kristestar i menshenge, oun sikrap len leskro drom.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Hebrearja 5:4

Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 22:6

Oun o bolepaskro penas ap mande: “Kal laba hi čačo. Oun yaake vell kova. O Devel, maro ray, kay das peskre rakepangren peskro Dourho, kova bičras peskro bolepaskres, te sikrell lo peskre boudepangren, hoy an i tikno tsiro hounte vella.”

Debleskro tsiro 22:9

Oun yob rakras ap mande oun penas: “Ma kre kova! Me hom o Debleskro boudepaskro har tou oun tire phrala, kay o Debleskre rakepangre hi. Oun me hom ninna yek kolendar, kay rikrenn kal laba an pengre djia, hoy an kava liil činlo hi. Ma share man! Share o Debles!”