Obadja 1:3 - O Debleskro Lab 2024 (Sinte-Manouche)

³ Tiro zorelo foro hi tardo ap i bare barra, tou djiveh pral an i berge. Doleske phourdal tou tout pre. Dik, tiro dji rhorhras tout, har lo touke dren rakras: Kek nay vitsrell tout tele ap i phoub.

O Debleskro Drom 2021 (Sinte)

³ Tiro sorelo foro hi tardo ap i bare barra, tu djiweh pral an i berge. Doleske phurdal tu tut pre. Dik, tiro dji chochras tut, har lo tuke dren rakras: ‘Kek nai witsrell tut tele ap i phub.’

Obadja 1:3 Iomraidhean Croise

1. Mose 36:8

Oun o Esau, djivas ap o pralstouno them, hoy kharella Seir. O Esau hi o Edom.

2. Rajengro liil 14:7

O Amazya das ninna i Edomarya an i Londi Tala, 10.000 (deesh-zerya) morsha. Oun an o kourepen las lo ko foro Sela dren, oun das ko fores i vavar lab. Yaake kharell ko foro Yokteel ninna gomme kava dives.

2. Familjakro liil 25:11

Oun o Amazya las peskri tseli zoor khetne, oun anas peskre lourden vin an o kourepen. Oun yon van an i Londi Tala, oun maran kote 10.000 (deesh-zerya) morshen dran o them Seir.

2. Familjakro liil 25:12

Oun i morsha dran o them Youda tapran 10.000 (deesh-zerya) djide lourde oun anan len pral ap i barrengri berga, oun vitsran len lauter tele, yaake kay halauter meran.

Hiob 20:6

Ninna te vell lo yaake baro, te djal lo bis pash o bolepen pre, oun leskro shero pral bis pash i volke,

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Jesaja 16:6

Mer shounam, hoy pral i Moabarya rakedo vas, kay hi le yaake pre-phourdo, oun dikenn tele ap i vavarende, oun krenn pen kokres bares. Oun len hi i baro mouy.

Jeremia 21:13

Denn yak, penell o baro Devel: Kanna vau me pral t'mende, kay djivenn pral i tala ap ko baro bar. T'mer penenn: Kek nay vell pral mende. Kek nay vell an maro kheer.

Jeremia 37:9

Doleske penell o baro Devel: Rhorhenn t'men gar oun penenn t'menge gar: “I Babilonarya venn gar pale kay.” Yon venna pale kay.

Jeremia 48:28

T'mer menshe an o them Moab, nashenn vin dran t'mare forya, oun djivenn mank i bare barra! Oun krenn les har i taube, kay krenn pengre khera kote, kay i barra dour tele djan.

Jeremia 49:4

Rabba, tou foro, hoy hadal tout pral o baro Debleste, hoske shareh tout tiro themeha, kay yaake boud pani nashell? Tou rikreh tout ap tiro bravlepen oun peneh touke an tiro dji: Koon nay djal ap mande pre?

Ezekiel 28:16

Har tiro parepah bravelo val, rikral vavaren zoryah tele. Oun yaake lal doosh ap toute. Koy krom me tout pale-čiddo, oun tradom tout tele miri bergatar. Tou bolepaskro, kay yak dal, tout tradom vin dran koy platsa, kay i kouč barra hi, hoy dikenn vin har yag.

Maleachi 1:4

Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.